Accessibility links

якшәмбе, 11 декабрь 2016, Казан вакыты 05:16

İran atom programı tikşerelä


AQŞ Berläşkän millätlär oyışmasınıñ iminlek şurasın İran atom programması mäsäläsen mömkin bulğança tiz arada qararğa çaqıra. Venada ütkän xalıqara atom energiäse ağentlığı utırışında çığış yasağan Amerika wäkile Gregory Shulte iran dönya cämäğätçelelegen maxsus räweştä yalğıştıra dip belderde. Xalıqara atom energiäse ağentlığı başlığı Moxämmät Äl Baradey Venadağı kiñäşmädä İrannıñ atom programması xaqındağı xisabın iğlan itte. Xisapta, İran, xalıqara cämäğätçelelek taläplären bozıp, urannı bayıtu eşen başladı dielgän. Şul uq waqıtta xisapta, İran yäşerten genä atom qoralın yasarğa omtıla digän gäyepläwlär yuq. İran üz yağınnan AQŞnı, Xalıqara atom energiäse agentlığına, üz fikeren tağırğa tırışuda gäyepläde. İran wäkile Cäwäd Walidi “Bez qarşılıqnı buldırmasqa tırışabız, ikençe yaqtan, AQŞnıñ bezgä zıyan häm awırlıq kiterergä köçe citärlek. Läkin alar da awırlıq toyarğa mömkin. Ägär dä AQŞ bu yulnı saylasa, şulay bulsın da”, dide.

XS
SM
MD
LG