Accessibility links

чәршәмбе, 7 декабрь 2016, Казан вакыты 21:39

“Näwrüz güzäle” bäygesenä äzerlek bara


Başqortstanda tatar qızlarınıñ “Näwrüz güzäle” bäygesenä äzerlek eşläre däwam itä. 16-22 yäş arasındağı güzäl zatlar qatnaşaçaq älege bäygegä saylap alu turı Ufa “Nur” tatar däwlät drama teatrında ütte. Anda cämğısı 34 qız qatnaşqan ide. Jyuri äğzaları 23 mart könne ütäçäk yomğaqlaw bäygesenä 13 tatar qızın saylap aldı.

“Näwrüz güzäle” bäygesen bıyıl da Başqortstandağı “Azatlıq” tatar yäşläre berlege oyıştıra. Bäygeneñ ssenarien da şuşı berlekneñ räise Zäliä Axunova yazğan. Ä bäygegä äzerlek Ufa “Nur” tatar däwlät teatrında alıp barıla. Tamaşanı yäş rejisser İskändär Äxmätväliev säxnäläşteräçäk. Zäliä Axunova süzlärençä, tatar qızlarına xoreografiä häm ana tele buyınça däreslärne täcribäle möğallimnär biräçäk. Millät qızları xalqıbıznıñ tarixın, anıñ ğöref-ğadätlären, yolaların yaxşı belergä, milli aşlar äzerläw ostalığına iä bulırğa tieş.

Şulay itep Başqortstanda tatar qızlarınıñ 1992 yıldan birle ütkärelep kilüçe “Näwrüz güzäle” bäygeseneñ bıyılğı yomğaqlaw öleşe 23 mart könne ütäçäk. Anda 13 qız qatnaşa.

XS
SM
MD
LG