Accessibility links

җомга, 9 декабрь 2016, Казан вакыты 10:46

Guantanmo totqınnarı yañadan qulğa alındı


Fänis Şäyxetdinov, Rawil Ğömärov Tatarstan prokuraturası qararı buyınça Mäskäwdä qulğa alındılar. Bu qulğa alular, aqlanular tarixı inde yıldan artıq däwam itä.

2005 yılnıñ 8 ğıynvarendä Tatarstannıñ Bögelmä şähärendä irtänge yaqta gaz torbası şartlıy. Şähär üzägendä, bu şartlaw urınınnan yıraq tügel genä FSB bülekçäse dä urnaşqan. Tizdän bu şartlawnı maxsus oyıştırğannar dip öç keşe qulğa alındı. Alar şul Fänis Şäyxetdinov, Rawil Ğömärov häm Timur İşmoratovlar ide. İkese Afğanstanda suğış barğan waqıtta Amerikanlarğa äsir töşkän, Guantanamoda totqın bulğan bit östäwenä. Yäğni, terrorsitlıqqa berençe numirlı nämzätlär. Alar uzğan yılda aqlandılar. Tatarstan Yuğarı Mäxkämäsendä prisyajnıy mäxkämä bu öç keşe dä şartlawğa bernindi qatnaşı yuq dip taptı häm alar sud zalınnan uq aqlanıp çıqtılar. Läkin Tatarstan prokuraturası monıñ belän kileşmägän. Prokuraturanı Rusiä Yuğarı mäxkämäse dä yaqlap çığa. Bıyıl sud eşe yänädän başlana.

Tatarstan prokuraturasınıñ matbuğat üzäge citäkçese İldar Möxämmätcanov söyli:

2006 yılnıñ 21 fevralendä alar Tatarstan Yuğarı mäxkämäsenä kilmädelär. Anda alarğa qağılışlı eş tikşerelde. İşmoratov ta kilergä tieş ide. Läkin sudqa anıñ kilmäw säbäbe açıq ide. Çönki bu waqıtta ul, Rusiäneñ ber ölkäsendä çik aşa zakonsız çığuda ğäyeplänep qulğa alınğan ide. Ä Ğomärov belän Şäyxetdinov sudqa säbäpsez kilmädelär. Şuña kürä, mäxkämä, alarnı qulğa alırğa qara çığardı. Bu waqıtta alarnıñ qaya ikänlege bilgele tügel ide. Alar federal' ezläwgä bireldelär. Häm bu könnärdä alarnı Mäskäwdä qulğa aldılar

Älege Alarnıñ Qazanğa qaytarılğannarı tögäl tügel. Ber märtäbä sud alarnı aqlağan ide, ikençe märtäbä aqlarmı-yuqmı, küzätep barabız. Azatlıqqa, İşmoratov turında yaña mäğlümat bilgele buldı. Räsmi xäbärlär anı, Rusiäneñ Bryansk ölkäsennän Ukraina ğa çığıp barğanda, yäğni, çikne röxsätsez bozğanğa qulğa alınğan dip xäbär itälär

Bu öç möselmanı yaqlap, Rusiäneñ keşe xoquqların yaqlawçıları da berniçä märtäbä çığış yasağannar ide. Protsessnı küzätep barırıbz

Räfis Cämdixan

XS
SM
MD
LG