Accessibility links

җомга, 9 декабрь 2016, Казан вакыты 07:04

Tatarlar Kirovtağı xakimiät firqäsenä saylanırğa yärdäm itä


Kirov ölkäsendä 1nçe marttan başlap 9na qädär barğan Tatarstan mädäniäte könnäre tämamlandı.

Noqrat alanı, Kirov, Malmıc, ölkäneñ berniçä rayonında uzdırılğan çaralarda, tatar yazuçıları, kompozitorlar belän oçraşular bulğan, Tatarstan däwlät biyu ansamble ölkä filarmaniä binasında ostalıqların kürsätkän. Tatarstan mädäniäte könnäreneñ soñğı könendä, respublika Prezidentı, Mädäniät ministrı häm başqa räsmi wäkillär Noqrat Alanına bardı.

Kirov ölkäse jurnalsitları, Tatarstan ütkärgän çaralar turında söylägändä, waqiğalarnı tatar mädäniäte könnäre dip atıy. Bu mädäniät könnäre «Tatarstan- Noqrat – Berdäm Rusiä» şiğäre astında uzdı. Şuşı mädäni çaranıñ maqsatı ike kürşeneñ, ber bersen yaxşı belep, xezmättäşlek itep yäşäwe öçen ütkärelä, dip bilgelänä. Ämma, Kirov ölkäsendä, aldağı yal könnärendä ölkä qanun çığaru cıyılışına saylawlar ütkärelüe dä bilgele. Anda da, berdäm Rusiä firkäse wäkilläre dä qatnaşa. İnde başqa Rusiä ölkäläre belän bulğan kebek, Tatarstan wäkilläre dä, saylawlarğa ber niçä kön qala, ayırım säyäçätelärgä, firqälärgä teläkläşlek kürsätergä bardı. Kirov ölkäsendä, urıslardan qala, tatarlar, san yağınnan, 2nçe zur milli törkemne täşkil itä. Annan arı, Prezident Mintimer Şäymiev «Berdäm Rusiä» firqäseneñ yuğarı citäkçelege wäkile bulıp tora. Noqrat Alanına barğaç, ul ölkä başlığı Nikolay Şaklein belän küreşep alğan, şulay uq, «Berdäm Rusiä» firqäseneñ Kirov, Nokrat Alanı bülekçäläre äğzäläre belän oçraşuda bulğan. «Tatar-inform» agentlığı xäbär itkänçä, Mintimer Şäymiev Kirov ölkäsendäge cıyılışta, xakimiät firqäsenä uñay bäylär birep, «Rodina» häm başqa säyäsi köçlärgä tänqit beldergän. Şulay itep, «Tatarstan mädäniäte könnäreneñ axırı säyäsi tösmer aldı. İkençe yaqtan, bu çaralar, Kirov ölkäsendäge milläşlärgä zamança Tatarstan mädäniäte ürnäkläre belän tanışü mömkinlegen birde.

Könnärneñ niçek ütüe turında tatarlar küplär yäşi torğan Malmıc rayonı «Duslıq» tatar gäzite xezmätkäre Rämziä Xäkimova, soyläde : «Mädäniät könnäre Kilmez rayonında başlanıp kitte, yazuçılar mäktäplärdä uquçılar belän oçraştı, Qazan häm Baltaç artisları konsert quydı, ikençe könne, Malmılca oçraşular häm konsert buldı, sotial üzäktä, ölkännär öçen çığış yasadılar. Äbilär bik qänäğat, elek televizordan ğına kürä idek, xäzer üz küzebez belän kürergä mömkinlek buldı, didelär» Mäğlümat ağantlıqları xäbärlärendä, älege mädäniät könnäre tatar kongressı häm mädäniät ministrlığı başlanğıçı belän ütkärelä. Şulay uq, Tatarstan prezidentı, konsert belän bergä, cirle tatarlar belän oçraşırğa tieş ide. Xäbärne efirğa äzerlägän minutlarda, oçraşuda närsälär xaqında söyläşü barğanı bilgele tügel ide äle. Ä cirle tatar mädäni möxtäriät räise Rasfar Zäkiullin, «Azatlıq» radiosında bulğanda, tatarlar küpläp yäşäğän rayonnarda tatar mäktäpläre yuq, dip zarlanğan ide. Rasfar Zakiullinnıñ tatar mäktäpläre turındağı mäsäläne, yuğarı däräcäle oçraşularda quyu mömkinlege bulğanmı yuqmı, älegä bezgä bilgele tügel. Barı Kirov häm Qazan arasında xezmättäşlek turında kileşü imzalanuı turında xäbär itelä. Tatarstan mädäniäte könnäre, 9 mart kiçendä, tantanalı konsert belän tämamlandı, dip xäbär itelä.

XS
SM
MD
LG