Accessibility links

шимбә, 3 декабрь 2016, Казан вакыты 20:42

Azatlıq radiosı Törkmän redaksiäseneñ ike xäbärçese qulğa alındı. Alardan ber nindi dä mäğlümät yuq


Törkmänstan xakmiätläre radiobıznıñ ike xäbärçesen qulğa alğannan soñ, alar belän här törle elemtä özelde. Törmänstan xökümäteneñ süz ireklegen häm keşe xoquqların xörmät itmäve tänqitlänep kilä. Bäysez medianıñ bulmauı säbäple, räsmi qaraşqa turı kilmägän mäğlümät birüçelärgä xavef-xätär yanıy. Militsiä tatrarfınan qulğa alınğannan soñ xäbärçelär turında ber nindi dä mäğlümätneñ bulmauı, jurnalistlarnıñ xoquqların yaqlauçı oyışmalarda da borçılu tudırdı

Radiobız xäbärçeläre Meret Xommadov häm Yumadurdı Ovezov qulğa alınğannan birle, ğailäläre dä, xezmätkärläre dä alar belän elemtägä kerä almıylar. Azatlıq Radiosı Torkmän redaksiäsese başlığı Aleksander Narodetskiy bu xaqta bolay di

"Azatlıqnıñ iñ kimendä ike xäbärçese qulğa alındı. Bu 7-nçe Martta irtänge säğätlärdä buldı. Alar qulğa alınıp cirle militisä noqtasına kitereldelär, berniçä säğättän soñ bilgesez urınğa alıp kiteldelär. Tuğannarı alarnıñ qayda buluın cirle militsiädän öyränergä teläsälär dä, ber nindi dä cavap alalmadılar."

Törkmänistan prezidentı Niyazov üzeneñ bäysez mediağa döşmanlığı belän tanılğan. 15 yıllıq bäysezlek tarixında dävlättän bäysez informatsiä çaraları yuqqa çığarıldı. Çittä yäşävçe keşe xoquqları aktivistı häm Keşe xoquqları öçen Törkmänistan İnistivası isemle xökümättän bäysez oyışma citäkçese Färid Tuxbatullin Törmänstan xakimiätläre Azatlıqqa döşmannarça qarıy dip belderde

"Azatlıq oppozitisä radiosı dip xisaplana häm xökümätneñ säyäsäte şundıy- Kem bezne maqtamiy, ul bezneñ döşmanıbız."

Üzäge Brusseldä urnaşqan Jurnalistlarnıñ Xalıqara Federatsiäse bülek başlığı Oliver Money-Kyrle Törkmänistanda media möhiten bolay dip tasvirlıy.

"Fiker ireklege, media ireklege mäsäläsendä Törkmänistan dönyadağı iñ ezärleklävçe illärneñ berse. Regiondağı iñ qırıs il. Törkmänistan irekle media häm bäysez jurnalizmğa yabıq il."

Narodetskiynıñ süzlärençä, radaksiä inde 10 könnän birle andağı başqa xäbärçeläre, alarnıñ tuğannarı häm qayber dusları belän dä elemtägä kerä almıy. Çönki alarnıñ telefonnarı blokadalanğan. Alar xaqında ber nindi dä mäğlümät yuq ikän. Nyu Yorkta urnaşqan Jurnalistlarnı yaqlau komitetı Azatlıq xäbärçeläreneñ qulğa alınuına tirän borçılu belderde. Anıñ belderüendä, Azatlıq Törkmänistanda dävlättän bäysez berdän ber informatsiä çığanağı bulıp tora dielgän. Yazmaları säbäple Törmänistan xakimiätläre belän konfliktqa kergän jurnalist Muxammed Velsapar ildän kitärgä mäcbür qalğan ide. Ul Azatlıq xäbärçeläre yuğaldı dip äytep bulmıy digän fikerdä.

"Törkmänistanda ber kem dä ezsez yuğalalmıy. Ul kontrole qıyın bulğan Rusiä kebek zur il tügel. Xakimiätlärneñ raslauınnan tış anda beräv dä, bigeräk tä Azatlıq xäbärçeläre yuğala almıy."

Radiobıznıñ prezidentı vazıyfasın ütävçe Jeff Trimble mätbuğatqa belderüendä, qulğa alular qanunsız ezärlekläv, mätbuğat ireklegen häm keşe xoquqların bozu bulıp tora digän fiker belderde.

Färit İdelle, Praga.
XS
SM
MD
LG