Accessibility links

шимбә, 3 декабрь 2016, Казан вакыты 03:28

Tatnet: tatar kitapların täqdim itüeneñ yaña ısulı


İnternetta bu atnada qızıqlı aksiä başlanıp kitte. Spam räweşendä, poçta tartmalarına, «sezne millioner ezli» digän xat kilde. Kem ezli, kemne ezli, närsägä ezli dip, xatnı beterep taşlamıyça, saytka kerep qaradıq http://www.matur.land.ru . Bu – tanışu säxifäse bulıp çıqtı. Yäş, çibär, millionnar iäse ir-at tormış iptäşen ezli, dielä ide anda. Ägär sez 20dän alıp 40ka qädär yäştä, tartmıysız, eçmisez, ğailä qorırğa, bala tabırğa telisez, mullıqta yäşärgä telisez ikän, alaysa tübändäge şartlarğa iğtibar itegez, dielgän ide anda. Şartları şundıy – sez sizger keşe, sez tuğrılıqlı bula alasızmı, sez Marit Käbirneñ «Mäxäbbät yañğırı» äsärendäge töp qaharman qızğa oxşağanmı, sez yarata beläsezme häm tağın berniçä şundıy sorawlar bar. Ägär bu şartlar sezgä turı kilä ikän, ikençe bitkä küçegez, andağı sorawğa cawap biregez dielde. http://www.matur.land.ru/index00.htm «Mäxäbbät yanğırı äsäreneñ töp qaharman qıznıñ İskändärgä yaratmawı turında äytüe döres bulğanmı, yuqmı, niçek uylısız», dielgän ide anda. Bay keşe belän tanışam dip qızıqqan qızlarğa, äsärne uqımıyça, cawap birep bulmawı añlaşıla. Şuşında uq, Marat Käbirneñ internet säxifäsenä sıltamalar täqdim itelä. Şulay itep, «sine millioner ezli» digän xat icadi itep başqarılğan tatar reklaması bulıp çıqtı. Bu da tatar internetı öçen yañalıq.

Bikä Timerova

XS
SM
MD
LG