Keşe Xoquqları buyınça Yevropa Mäxkämäse uzğan Pänceşämbedä Rusiä xakimiätläre 26 yäşlek Olga Meneşovanıñ xoquqların sanğa suqmauı säbäple yaqınça 42 meñ dolar tülärgä tieş digän xökem qararı çığardı. Meneşova monnan 7 yıl elek militsiä tarafınan qanunsız räveştä qulğa alınğan häm qıynalğan bulğan. Anıñ şikayäte xakimiätlär tarafınan tikşerelmägän bulğan. Rostov ölkäse Bataysk şähärçegendä yäşävçe Meneşova 1999-nçe yılnıñ 13-nçe fävralendä sivil kiemdäge öç militsioner tarafınnan qulğa alınğan, anıñ öyendä röxsätsez tentü ütkärelgän. Olga militsionerlarnıñ soraularına cavap birmägäç, anı yaqındağı militsiä noqtasına alıp kitkännär. Militsionerlar soñğaraq keşe üterü vaqiğäsen tikşerülären häm Meneşovanıñ şikle ber tanışı tuında sorau alırğa telävlären beldergännär. Militsionerlar anı militisä noqtasında tayaq belän qıynağannar, buğazınnan totqanar , anı köçläv häm tuğanarın üterü belän kisätkännär. Meneşova biş kön militsiä noqtasında totılğan häm ber nindi dä añlatmasız irekkä çığarılğan. Tabiplar anıñ qıynaluın bilgelägännär, läkin, prokuratura belän cirle mäxkämä militsionerlarğa qarşı cinayät eşen quzğatu öçen säbäp tapmağan. Keşe xoquqları buyınça advokatlarnıñ yardäme belän Meneşova Yevropa Mäxkämäsenä möräcäğät itkän . Şunnan soñ ğına Rusiä prokuraturası mäsäläne tikşerä başlağan. Meneşova kisätülärgä duçar bulğannan soñ, çikayäten kire alırğa telgän. Läkin Yevropa Mäkämäse tikşerü eşen dävam itkän. Näticädä Rusiä xakimiätlären uzğan atnada yaqınça 42 meñ dollar kompensasiä tülärgä xökem itkän. Ğinvar ayında ğına şuluq mäxkämä Rusiäne 29 yäşlek Aleksey Mixeyevqa 300 meñ dolar kompensatsiä tülärgä xökem itkän ide. Ul 1998-nçe yılda Tübän Novgorodta militsiä tarafınnan elekt şoğı eskäncäsenä çıdıy almyça militsiä noqtası täräzäsennän sikergän bulğan. Anıñ umırtqası cäräxätlängän häm ul yöri almıy.
Färit İdelle, Praga.
Färit İdelle, Praga.