Accessibility links

сишәмбе, 6 декабрь 2016, Казан вакыты 15:12

Ğiraqta köçle hawa operatsiäse bara


Ğiraqtağı AQŞ xärbiläre, 2003 yılda Ğiraqqa kergännän soñ iñ zur xärbi hawa operasiäse başlandı dip belderä. Bağdadtan tönyäqtağı Samarra şähäre tirälärendä ğısyançılarnıñ sıyınğan dip şiklänelgän urınnar, bügen irtädän birle utqa totıla dielä. Bu höcümdä 50 xärbi oçqıç, 200 boralaq, meñ yarımnan artıq Ğiraq häm amiriqän soldatı qatnaşa. Operasiä berniçä qon däwam itäçäk dielä.

Bağdadta Ğiraq parlamentınıñ berençe utırışı ütte. Yaña parlament Ğiraqta dekäber ayında saylanğan ide. Qor'än uqılğannan soñ, 275 deputat barısı bergä ant birdelär. Şunıñ belän sessiä tämamlandı. Menä öç ay inde Ğiraqnın töp säyäsi köçläre yaña qoolitsiä xökümäte tözü turında ber kileşügä kilä almıy. Ğiraq başqalasınıñ törle rayonnarında uzğan tönne 25 siwil keşe mäyete tabılğan. Ğiraqnıñ eçke eşlär ministrlığı bu qorbannar barısı da şığilar belän sönnilär arasındağı bäreleşlär näticäse dip belderä.

XS
SM
MD
LG