Accessibility links

шимбә, 10 декабрь 2016, Казан вакыты 02:17

Belarus KGBsı oppozitsiäsene gäyepli


Belarusnıñ KGB başlığı Stepan Suxorenko, oppozitsiäne, köç belän xäkimiätne yawlap alırğa äzerlänüdä gäyepläde. Minskida matbuğat oçraşuında çığış yasağan Suxorenko, 19 martta prezident saylawları könne bulaçaq çualışlarnı äzerlänüdä Görcestan, Ukraina, Litva ilçelekläre wäkilläre dä qatnaşa dip belderde. ”Terrorçılıq aqtı” digän isem astında jinayät eşe quzğatılğan. Suxorenko süzlärenä qarağanda, uram çualışlarında qatnaşuçılarnı 8 yılğa törmädän başlap, ülem qararına qädär cäza kötäçäk. Soñğı könnärdä Belarusta oppozitsiädäge namzät Aleksandr Milinkeviç aktivistlarınnan 50gä yaqın keşe qulğa alınğan. Belarus xäkimiätläreneñ bu ğämällären AQŞ kisken tänqit itte. 19 martta ütäçäk prezident saylawlarında monitoringta qatnaşır öçen, comğa könne Rusiäneñ uñ köçlär partiäse wäkilläre Belarusqa cıyına. Alar bu säfärgä “Pravoe delo” gäziten korrespondenları bularaq baraçaq. Belarusnıñ Üzäk saylaw komitetı “Uñ köçlär partiäse” wäkillären çit il küzätüçeläre sıyfatında terkäwdän baş tartqan. Şundıy uq cawaplarnı Latviä, Litva, Görcestan häm Awroparlament wäkilläre dä alğan.

XS
SM
MD
LG