Accessibility links

шимбә, 3 декабрь 2016, Казан вакыты 22:41

Neft ütkärgeç qazası tiräsendä ğawğa


Başqortstannıñ Tuymazı rayonında bulğan qaza näticälären beterü östendä eşlär köne-töne digändäy däwam itä. “Uralsibnefteprovod” şirkätenä qarağan Nijnevartovsk-Kurgan-Kuybıyşev neft''ütkärgeçe yarılıp kitü säbäple, anda 500 kvadrat metr mäydanda 1000 kubometrğa yaqın neft'' cirgä aqqan ide. Qazanı beterügä, nigezdä, “Uralsibnefteprovod” şirkäte eşçeläre cälep itelgän. Belgeçlär baştaraq, ağıp çıqqan neft'' biredäge Bişende yılğasına ağıp töşmäyäçäk dip ışandırsa da, bu afättän qotılıp bulmadı. Bişendegä 20 tonna tiräse neft'' eläkte häm ul asqa taba töşep, Qama yılğası quşıldığı Ösän yılğasına ürmäli. Şuña östäp, älege neft'' tapları 100 meñ tiräse keşe yäşäwçe Tuymazı şähäreneñ “Nörkäy-2” dip atalğan eçär su tapşırğıçına da elägü qurqınıçı tudı. Şuña kürä dä, bäläsennän baş-ayaq, dip ul sulağıçnı yabıp quydılar. Sunı xäzer başqa cirdän yalğadılar. Ämma bu bik waqıtlı ğına. Töp su küläme belän barıber tulısınça “Nörkäy-2”sualğıçı ğına tä''min itä ala. Xäzer könnär cılıta başlağaç, cirgä tügelgän neft''neñ yılğalarğa tağın da tizräk töşäçäge kön kebek açıq.

Şul uq waqıtta älege qaza kilep çıqqan torbanıñ xucaları – yäğni “Uralsibnefteprovod” şirkäte türäläre bu avariä kitergän häm äle kiteräçäk zıyannıñ külämen keçeräytep kürsätergä omtıla. Alar xätta bu qaza xaqında yalğan mäğlümatlar tarattı dip, Başqortstan Tabiğät ministrlığı matbuğat üzägen mäxkämägä dä birgän.

XS
SM
MD
LG