Accessibility links

җомга, 9 декабрь 2016, Казан вакыты 03:01

Ufada Riza Fäxretdin uquları ütä


Ufadağı “İxlas” mäçetendä kürenekle cämäğät häm din eşleklese, tanılğan ğalim häm yazuçı Riza Fäxretdin uquları başlanıp kitte. Comğa könne älege çarada, nigezdä, din ähelläre genä qatnaşsa, şimbä könne ütäçäk uqularda kürenekle ğalimnär, yazuçılar, möğallimnär, törle dini uqu yortları şäkertläre dä qatnaşaçaq.

Riza Fäxretdin uquları “İxlas” mäçetendä bıyıl öçençe yıl rättän ütkärelä inde. Ğomumän, “İxlas” mäçete Riza Fäxretdinneñ ğilmi xezmätlären, küpqırlı eşçänlegen öyränügä häm cämäğätçelekkä citkerüdä zur eşlär başqara. Biredä Başqortstanda iñ täwdä Riza Fäxretdingä bağışlap fänni konferensiälärne dä uzdırğannar ide. 18 mart könne oyıştırıluçı Riza Fäxretdin uquları da küp keşe qatnaşlığında häm qayber üzençäleklär belän ütäçäk. Bu xaqta mäçetneñ imam-xatibı Möxämmät xäzrät Ğalläm söyli.

M. Ğalläm – Bu cıyınıbızda bik küp şäkertlär qatnaşaçaq. “Ğaliä” mädräsäsennän, Märyäm Soltanova isemendäge islam institutınnan küp şäkertlär bula. Ğalimnärneñ çığışları baytaq. Ğomumän, bik eçtäşlekle ütäçäk bu uqular.

Ufadağı “İxlas” mäçetendä ütüçe Riza Fäxretdin uquları xaqında Möxämmät xäzrät Ğalläm söyläde. Ufada ütäçäk şuşı uqularğa Qazannan häm Çallıdan da ğalimnär kilä. Çallıdan kilgän tanılğan ğalim Wil Kazıyxanovnıñ çığışı da qaralğan bu çara barışında.

Fänis Fätxi, Ufa

XS
SM
MD
LG