Haagtağı xalıqara tribunal Slobodan Miloşeviçnıñ ağulanudan wafat bulğan digän şiklänülärgä cawap itep, belgeçlär tikşerüen iğlan itte häm bernidi dä ağulanu bulmağan dip belderde. Bügen Belgardnıñ Revolyutsiä muzeyenda Yugoslaviäneñ elekke prezidentı belän xuşlaştılar. Miloşeviçnı şimbädä tuğan şähäre Pocarewasta cirläyäçäklär. Xärbi cinayatlärdä häm genosidta gäyeplängän Yugoslaviäneñ elekke citäkçese, Haagadağı xalıqara mäxkämä törmäsendä 11 martta yöräk öyänägennän wafat buldı. Serbiäneñ oppozitsiädäge qayber säyäsätçeläre anı ağulağannar dip raslağan ide.
