Minski -- Belarus oppozitsiäse, yäkşämbedä ütäçäk prezident saylawlarında xäzerge citäkçe Aleksandr Lukaşenka faydasına xärämläşülär bulaçaq dip kisätä. Oppozitsiäneñ töp namzäte Aleksandr Milinkeviç häm liberal namzät Aleksandr Kazulin saylawlar betügä üz tarafdarların qullarına çäçäklär totıp tınıç demonstratsiägä çığarğa, provakatsiägä bireşmäskä çaqırdı. Ul arada prezident Lukaşenka Belarus uramnarında fetnä bulmayaçaq, dip kisätte. "Bezneñ ildä däwlät fetnäse bulmayaçaq. Xökümät binaların basıp alular, uramnarnı tomalawlar bulmayaçaq. Xalıqnıñ iminlegen täemin itü, Konstitutsiä bozuğa yul quymaw öçen bar çaralar kürelde", dide ul.
Üzäk saylaw komissiäse saylawçılarnıñ 20 protsentı tawışların waqıtınnan alda inde birep quydı dip belderde. Oppozitsiä häm xalıqara küzätüçelär moña şik belderä. Kilgän xäbärlärgä qarağanda Minski, Grodno häm Gomel şähärlärendä, tawış birülärne küzätergä kilgän Yabloko partiäse häm Naş Vıbor xäräkäte aktivistları totqarlanğan. Bügen Minskida oppozitsiä tarafınnan oyıştırılğan rok-konsert ütergä tieş.
Üzäk saylaw komissiäse saylawçılarnıñ 20 protsentı tawışların waqıtınnan alda inde birep quydı dip belderde. Oppozitsiä häm xalıqara küzätüçelär moña şik belderä. Kilgän xäbärlärgä qarağanda Minski, Grodno häm Gomel şähärlärendä, tawış birülärne küzätergä kilgän Yabloko partiäse häm Naş Vıbor xäräkäte aktivistları totqarlanğan. Bügen Minskida oppozitsiä tarafınnan oyıştırılğan rok-konsert ütergä tieş.
