Tähran -- İrannıñ dissident jurnalistı Äqbär Ğanci 6 yıl törmädä utırğannan soñ irekkä çığarılğan. Äqbärneñ xatını Mäsümä Şäfi monı kötelmägän şatlıq dip atadı. "Anı uzğan töndä çığarğannar. Min bu turıda belmädem dä, min bik şat", di ul. Ul arada Tährannıñ baş prokuror urınbasarı Mäxmüt Salarkia, Ğanci waqıtlıça ğına çığarılğan, anıñ möddäte Martnıñ 30nda betä, dide. Yuğarı räsmilärneñ säyäsi totqınnarnı üterügä qatışı buluı turında mäqälälär yazğan öçen Ğanci 2000 yılda törmägä utırtılğan ide. Ul İrannıñ iñ tanılğan säyäsi totqını sanala ide.
