London – Ğiraqnıñ elekke premier-ministrı Ayad Allawi, Ğiraqta watandaşlar suğışı bara dip belderde. Bügen BBCğa birgän äñgämäsendä ul, mäzhäb-ara bäreleşlär bar töbäklärgä taralırğa mömkin, dide. Uzğan ayda şiğilärneñ izge törbäse cimerelgännän soñ, şiğilär belän sönnilär arasındağı kierenkelek bermä-ber arttı. Köç qullanular näticäsendä yözlägän keşe häläk buldı. Amerikan häm Britan räsmiläre, kierenkelek artuın tanısa da, watandaşlar suğışı baruın kire qağa.
Ul arada Bağdadtan tönyaqqa taba, Samarra qalası tiräsendä, Amerikan häm Ğiraq xärbiläreneñ ğisyançılarğa qarşı kiñ külämle xärbi operatsiäse bara. Amerikan xärbiläre äytüençä, 3 kön eçendä 60 ğisyançı qulğa alınğan, 11 qoral saqlanması tabılğan. Yäkşämbedä Qarbala qalası raketa utına totılğan. Räsmilär äytüençä, 3 raketanıñ berse şähärdä şartlağan, 2se – çülgä töşkän. Qorbannar yuq dielä. Şiğilärneñ düşämbedä ütäçäk bäyräme uñayınnan Qarbalada meñlägän keşe cıyılğan bulğan.
Ul arada Bağdadtan tönyaqqa taba, Samarra qalası tiräsendä, Amerikan häm Ğiraq xärbiläreneñ ğisyançılarğa qarşı kiñ külämle xärbi operatsiäse bara. Amerikan xärbiläre äytüençä, 3 kön eçendä 60 ğisyançı qulğa alınğan, 11 qoral saqlanması tabılğan. Yäkşämbedä Qarbala qalası raketa utına totılğan. Räsmilär äytüençä, 3 raketanıñ berse şähärdä şartlağan, 2se – çülgä töşkän. Qorbannar yuq dielä. Şiğilärneñ düşämbedä ütäçäk bäyräme uñayınnan Qarbalada meñlägän keşe cıyılğan bulğan.
