İstanbul – Bar Törkiä buylap bügen meñlägän körd Näwrüz bäyrämen qotlağanda, tıyılğan Körd Eşçelär Partiäsen häm anıñ törmädä utırğan citäkçese Abdulla Ocalannı xuplap şiğärlär qıçqırdılar. Associated Press mäglümätenä qarağanda, İstanbulnıñ Zäytin-burnu bistäsendä, qullarına Ocalan sürätläre totqan 10 meñläp keşe cıyılğan. Bu urınğa yözlägän politsiä xezmätkäre kiterelgän. İzmir qalasında 5 meñläp körd cıyılğan. Politsiä küzdän yäş çığara torğan gaz qullanğan.
