Tähran -- İrannıñ oppozitsiädäge iñ ere partiäse – dönya cämäğätçelege belän qarşılıqnı kimetü öçen – çeterekle atom eşçänlegen tuqtatıp torırğa, Quşma Ştatlar belän söyläşülär başlarğa çaqırdı. "Qatnaşu Frontı" digän törkem wäkile Mäxämmät Riza Xattami süzlärençä, alar bu wazğiättä uran bayıtu eşlären tutqatıp torırğa çaqıra. Xäzerge waqıtta Berläşkän Millätlärneñ İminlek Şurası İranğa qarşı çaralar mäsäläsen tikşerä. Quşma Ştatlar İrannı yäşeren räweştä atom qoralı yasaw niätendä ğäyepli. Tähran bu ğäyepläwlärne kire qağa.
