Accessibility links

пәнҗешәмбе, 8 декабрь 2016, Казан вакыты 05:02

Qazandağı beloruslar prezident saylawları näticäse belän qänäğät


Belorussiädäge saylawlar barğanda, Qazandağı beloruslar da, tuğan yaqlarındağı tawış birülärne küzätep bardı. «Spadçına» «Miras» digän beloruslar oyışması, saylawlarğa qädär çorda uq, Aleksandr Lukaşenkoga teläktäşlek belderep, ğarizaların taratqan ide. 19 martqa ber kön qala, Qazandağı beloruslar cıyılıp, saylaw aldı wäzğiäte turında fiker alışqan, oyışmanıñ räisen Morudenko Sergey äfändene, küzätüçe itep, saylawlarğa ozatıp cibärgän. Saylaw näticäläre bilgele bulğaç ta, şatlandıq, dide belorus milli oyışması räise urınbasarı Tayana Germanova. : « Bez mondağı watandaşlar belän şaltıratışıp, ber berebezne, elekke häm yaña Prezident belän qotlaştıq inde. Ul andağı xalıqqa kiräk, xätta bezgä dä kiräk. Min üzem Belorussiädä bik küptän bulğan, ämma bezneñ oyışmağa yörüçelär yıl sayın anda qaytıp kilälär. Brest, Gomel, Minskiy, Moğilev ölkälärenä barıp, üzläre kürep, xalıqtan işetep, andağı tormışnı kürep kilä alar. Bar keşe dä qänäğät.» Oyışma wäkile äytkänçä, anıñ yaqtaşlarınıñ kübese törle yıllarda Tatarstanğa kilep, monda töplänep qalğan, Rusiä watandaşlığın alğan. Xäzerğe waqıtta, Qazanda, 1790 belorus keşese yäşi, Tatarstanda alarnıñ sanı 6 meñgä citä. Tatarstandağı beloruslar, tuğan yaqları belän elemtädä torırğa torışa, tuğannar belän aralaşa, cämğiättäge oçraşularda xäbärlär belän büleşä. 19 martta bulğan uram cıyınnarı turında da alar xäbärdar, saylawlardağı xärämläşü ğäyıpläwläre turında işetkän, ämma ışanırğa telämi. Tatyana Germanova bolay di : «Miña qalsa, ul ğäyıpläwlär barmaqtan suyırıp çığarılğan. Miña şunsı bik oşadı, oppozitsiä uramğa çıqtı, ämma alarğa ber kem dä timäde, quyıp taratmadı. Demokratik illärdä şulay bulırğa tieş.»

Bikä Timerova.

XS
SM
MD
LG