18 mart Ufada uzğan ul konferensiä kürenekle cämäğät häm din eşleklese, tanılğan ğalim Rizaetdin bine Fäxretdinovnıñ tuuına 147 yıl tuluğa bağışlandı. Çara ”İxlas” mäçetendä uzdı.
Çarada çığış yasawçı Rusiä Fännär akademiäseneñ Ufa fänni üzägeneñ Tel häm tarix institutı ğalime, filologiä fännäre kandidatı Miñneğali Nädergulov R.Färxetdinovnıñ qulyazma mirasın öyränü torışı xaqında söyläde. “Bügenge köndä anıñ 42 tomlıq qulyazmaları bar. Alar buyınça taswirlamalar yazılğan. Taswirlamalarda ul yazmalarnıñ qısqaça eçtälege bäyän itelä”,— dide. Elekke yazğan taswirlamalar bügenge köndä yañartıluın — yañadan yazıluın äytte. 10 tomğa yazılıp betüen ireşterde.
Başqortstan parlamentı deputatı, Başqort xatın-qızları cämğiäte räise Güzäl Sitdikova Rizaetdin Fäxretdinov xezmätlärendä xatın-qız turında söyläde. Tatarstannıñ Yar Çallı şähärennän kilgän Wil Kazıyxanov R.Fäxretdinov xezmätlären Tatarstanda öyränü torışı turında söyläde.
Konferensiädä ğalimneñ onığı Canbäk Fäxretdinov ta qatnaştı häm çığış yasadı. Ul babası isän çaqta üzenä dürt yäş buluın äytte, babasın xäterlägän qayber mizgellär belän büleşte. Ul Fäxretdinovlarnıñ şäcäräse belän dä tanıştırdı. Canbäk Fäxretdinov näseldä ir-atlardan üze genä qaluın, üzeneñ dä malayları bulmıy, ike qızı barlığın äytte. Fäxretdinovlar näsele çılbırınıñ üzendä özelüe turında borçılıp belderde.
Mondıy konferensiälärne yıl da ütkärü turında qarar itelde.
