Accessibility links

якшәмбе, 11 декабрь 2016, Казан вакыты 13:07

Qoşlarnı isän qaldırırğa buldılar


Qoş kizüe kilep citkänçe ük, Rusiädäge qoşlarnıñ qırılıp betü qurqınıçı barlıqqa kilde. Tik alar virustan tügel, ä keşe qulınnan ülep yuqqa çığaçaq axrısı. Çönki ilneñ baş sanitariä tabibı Gennadi Onişçenko awıru taratırğa mömkinnär dip, qarğalarnı zur şähärlärdä atıp beterergä kiräk dip belderde. “Qarğalar - “qanatlı bürelär” - alar üläksä belän tuqlana, şul isäptän gripptan ülä torğan qoş tüşkälären dä aşarğa mömkin. Şunıñ öçen alarnı qızğanmıyça yuq itärgä kiräk dide ul. Rusiäneñ baş sanitariä tabibı Gennadi Onişçenkonıñ bu täqdimenä şik belderüçelär bar. Bu xaqta “Watanım Tatarstan” gäzite yazdı. Virus preparatların fänni tikşerü institutı direktorı Yuri Gendon, mäsälän, nik qarğalarnı ğına beterergä, kügärçennär bu uñaydan tağın da qurqınıçraq - virus ta tarata, keşelär belän dä daimi aralaşa dip sanıy. Qoşlarnı saqlaw berlegeneñ prezidentı Viktor Zubakin qoşlarnı üterügä riza tügel. Anıñ fikerençä, keşelär höcümennän qaçıp, qarğalar virusnı tağın da kiñräk cirlekkä taratırğa mömkin.

Dönyada ber genä mäxlük ta yuqqa ğına yaratılmağan. Tabiğät'tä yäşägän härber can iäseneñ dä üz wazıyfası bar. Rusiäneñ baş sanitariä tabibı qoşlarnı atarğa fatixa birgäç, küp kenä keşe uzğan ğasırnıñ 50nçe yıllarında Qıtayda bulğan häläkätne iskä töşerde. Çıpçıq awıl xucalığına zıyan kiterä dip, xalıq bu qoşnı il külämendä atıp betergän. Ä annarı üz xataların distälärçä yıllar buyınça tözätergä mäcbür bulğan. Çönki çıpçıqlar yuqqa çıqqaç, qırlarnı qortqıçlar basqan. Bügen Qazanda ber millionğa yaqın ala qarğa bar. Küselär isä - 5 millionlap. Qarğalarnı küpläp üterä başlasalar, küselär tağın da kübäyäçäk.

Düşämbedä awıl xucalığı ministrlıysında qoş kizüen kisätügä bağışlanğan utırış buldı. Anda böten respublikadan qoş fabrikalarınıñ xucaları, veterinariä inspektorları çaqırtılğan ide. Tatarstandağı qoşlarnıñ yazmışı nindi bulır soñ? Bu xaqta ministrlar kabinetınıñ baş veterinariä idäräse citäkçese Bulat Kamalov söyli

Qoşlar hiçşiksez atılmayaçaq. Alarnı beterep kenä, bu afättän qotılıp bulmıy. Ä inde qurqıtu, qoş-qort fabrikaları yanınnan quıp cibärü, ul problemanı berniqädär xäl itär ide. Şähärdä isä bu qarğalardan qotılu şähärneñ çistalığına bäyle. Azıq-tölek çüplekläre aunap yatmasa, anda bernindi qoş ta kilmi. Qoşlarnı atu bernindi fayda da kitermäyäçäk. Faunağa häm başqa zıyannar ğına bulırğa mömkin.

Al'bina Zäynulla

XS
SM
MD
LG