Accessibility links

Кайнар хәбәр

Tatarstanlılar respublika statusı öçen bügen dä borçıla


-Bernindi suverenitet kiräk tügel! İñ möhime urlamasınnar. Keşelärne açqa üterälär bit xäzer. Bernindi fayda da kitermäde ul suverenitet. Kem täxettä utıra, alarğa bälki kiräkter ul, ä miña annan ni fayda?

-Ä min suverenitetqa qarşı çığar idem! Rusiä belän bergä bulırğa kiräk. Territoriä meni inde ul Tatarstan? Bez bit zur territoriädä yäşäp öyrängän.

-Min suverenitetqa qarşı bulır idem. Ni öçen? Belmim.

-Suverenitet kiräk tügel bezgä! Rusiä belän bergä bulsaq qına, nıq bulaçaqbız. Bäysezlek, administratsiä kübräk bulğan sayın, aqça da kübräk kerä. Ämma xalıq kesäsenä tügel.

-Min tawışnı, älbättä, respublikanıñ suverenitetı öçen birer idem. Bez bit tatarlar, ruslardan ayırım bulırğa tieş bez. Bezneñ üz däwlätebez bulırğa tieş!

-Tatar xalqınıñ üz kul'turası bar! Anı başqa xalıqlardan ayırım qabul itärgä kiräk. Çönki 92нче yılda suverenitetnı qabul imägän bulsalar, tatarlar äle tatar bulıp yäşämäslär ide dä bälki. Älbättä, ayırım qıyınraq. Ämma möstäkıyl' keşeneñ xoquqları da kübräk bit.

-Min hiçşiksez suverenitet öçen! Çönki mine üz xalqımnıñ azatlığı bik borçıy. Suverenitet inde 14 yıl elek qabul itelsä dä, bezneñ respublikabız Rusiädän tulısınça suveren, azat dip äytep bulmıy. Küp kenä ölkälärdä bez alarğa haman da buysınıp yäşibez. Bügen miña şundıy saylaw mömkinlege birelsä, älbättä, suverenitet öçen tawış birer idem. Häm anıñ öçen köräşer idem dä!

Al'bina Zäynulla

XS
SM
MD
LG