Accessibility links

шимбә, 3 декабрь 2016, Казан вакыты 18:41

Samar möftieneñ gubernator Titovqa xatı


Samar tatar milli xäräkäte citäkçeläre yartı yıldan birle törle dairä çinovniklar belän çuqındıru säyäsätenä qarşı eş alıp baralar. Nihayät Samar möftiäte dä bu yünäleştä üzeneñ teşen kürsätä başladı. Samara ölkä möftie Wağiz xäzrät Yärullin gubernator Konstantin Titovqa tübändäge xatın yulladı:

“ Xörmätle Konstantin Alekseeviç!

Soñğı waqıtta Samar möselman cämäğätçelegeneñ, belgeçlärneñ qarşılığın belä torıp Samar ölkäsendä mäktäp programmasına “Prawoslaw ruxı däreslären” kertü tırışlığı cäyelgännän cäyelä bara.

Bu yünäleştä nindi genä matur süzlär söyläsälär dä, bu däwlät mäktäplärendä prawoslaw dini sabaqlar kertüne hiç tä xuplamıybız. Üzennän- üze tärbiä protsessına prawoslaw ruxın kertü kiläçäktä millätlär, dinnär arasında ızğış- talaşqa kiteräçäk. Bu inde açıqtan- açıq grajdanlıq cämğiäten tözü ideyäsen yuqqa çığaru digän süz. Soñğı 15 yılda töbäktä urnaşqan tınıçlıq, iminlek säyäsäte yuqqa çığaçaq. Hämmäbezgä açıq bit, cämğiättäge tiskäre küreneşlär iñ elek iqtisat, ekonomika belän bäylängän.

Bezneñ qaraş üzgäreşsez:

Mäktäplärdä dini belem birelergä tieş tügel;

Dini kul'tura dinsez bulmıy, alar ber- berse belän bäylängän;

“Osnovı pravoslavnoy kul'turı”- ul kul'tura päräwezenä öterelgän täre genä;

Watanıbızda dini tärbiä alu öçen barlıq şartlar da inde tudırılğan häm monıñ belän ğatlä şöğellänergä tieş;

Tarix, ädäbiät däreslärendä dönya dinnäreneñ tarixı inde uqıtıla, küpmillätle, küp dinle Rusiädä anı kiñäytergä genä bula.

Xörmätle Konstantin Alekseeviç!

Bez Sezne kisätüne üzebezneñ burıçıbız dip sanıybız, çönki prawoslaw ruxın mäktäplärgä kertü, möselman xalqı arasında tınıçsızlıq häm köçle qarşılıq xisläre uyattı. Samar cirlegendäge iminlek häm tınıçlıq – bezneñ urtaq baylığıbız, häm Sezlärne şul iminlekne saqlarğa çaqırabız.

Samar ölkä möftie Wağız Yärullin.”

Şamil Bahautdin, Samar

XS
SM
MD
LG