Quşma Ştatlarnıñ äle genä yañartılğan Däwlät iminlege strategiäsendä Rusiä 49 bittä ike cömlädä genä telgä alına. Berençedän, Mäskäw anda, Rusiäneñ üzendä häm kürşelärendä demokratiäne çikläw tırışlıqları anıñ başqa illär belän araların bozaçaq, dip kisätelä, ikençedän, Quşma Ştatlarnıñ Rusiä belän eş itüe, ikeyaqlı mönäsäbätlär Mäskäwneñ Yaqın Könçığış häm Aziädä nindi tışqı säyäsät ütkärüenä bäyle bulaçaq, dielä.
Düşämbedä Mäskäw Quşma Ştatlar strategiäsen bäyän itü uñayınnan, häm bigräk tä anda Rusiäne niçek telgä aluğa cawap yözennän şaqtıy qırıs süzlär belän yazılğan maxsus belderüen iğlan itte. Tışqı eşlär ministrlığınıñ mäğlümat wä matbuğat bülege isemennän taratılğan şul qäğäzdä, "närsä, xäzer yaqın kiläçäktä Quşma Ştatlar wä Rusiä mönäsäbätlären bik ük şäp bulmağan çor kötäme? digän soraw quyıla häm demokratiäne alğa sörgän bulıp Quşma Ştatlar fäqät üz mänfäğätlären genä qayğırta digän xis qala dip belderelä.
"Demokratiäne täfsirläwgä berkemneñ dä monopoliäse yuq, demokratik üseşkä yardäm itep bula, ämma här il, Quşma Ştatlarnıñ üze kebek ük aña üze kilergä tieş" dielä Rusiä tışqı eşlär ministrlığı belderüendä. Mäskäw açuın bigräk tä yaña amerikan strategiäsendä ike il arasında ireşelgän uñay qazanışlarnı telgä almaw çığara.
Ğädättä Kreml'' qaraşların çağıldıruçı Sergey Markov, Mäskäwdäge Säyäsi tikşerenülär institutı mödire, Rusiä açuın añlap bula, Quşma Ştatlar Rusiäneñ dönyada üzençä eş itüenä öyränergä tieş, dip belderä:
"Minemçä, Rusiä üzen Quşma Ştatlarnıñ härnärsäne ul telägänçä genä eşläw omtılışlarınnan yaqlarğa tırışa. Quşma Ştatlar xäzer köçäyä barğan Rusiä belän niçek eş itärgä öyränergä tieş. Uzğan yıllarda köçsez Rusiäneñ Amerika belän här ölkädä dä kileşep baruınnan soñ bu älbättä xäzer awır. Bez Rusiädäge säyäsi qorılışnı tänqitläwgä açıq, läkin uñay yaqlar tanılğan oçraqta ğına", di Kreml'' qaraşların yaqlawçı belgeç Sergey Markov.
Ä menä Viktor Kremenyuk, Mäskäwdäge AQŞ-Kanada institutı mödireneñ urınbasarı başqaça fikerdä, Rusiä tışqı eşlär ministrlığı belderüen ul "şaşınulı" dip bäyäli häm Mäskäwneñ tänqitne kütärä almawı il öçen awır näticälärgä kiterä ala, dip kisätä:
"Rusiä belän Amerika arasındağı mönäsäbätlärneñ naçarayuı inde berniçä yıl däwamında bara. Bu xaqta yazğan belgeçlär monıñ bik naçar tämamlana aluın äytä. Mäskäwneñ Washington belän qarşılıqları inde Ukraina, Kavkaz, Üzäk Aziägä awıştı. Ägär dä Quşma Ştatlar bezne annan da qısıp çığarsa, Rusiä tämam üze, ber Lukaşenka belän genä qalaçaq", di Viktor Kremenyuk.
Soñğı aralarda Washington Rusiäneñ şikle atom programması bulğan İran häm radikal'' fälästin törkeme "Xämas" belän tığız mönäsäbätlär urnaştıruına bik borçıluın belderep kilde. Moñardan tış, di Kremenyuk, Quşma Ştatlarnı Rusiä eçendäge täräqqiat tä bik borçıy:
"Amerikannar Rusiädä demokratik bulmağan, zolım xakimiat urnaşuına borçıla, çönki alar öçen atom qoralı bulğan politsiä däwläte qabul itelmäslek ber ixtimal. Alar moña qarşı köräşäçäk", di Mäskäwdäge AQŞ-Kanada institutı mödireneñ urınbasarı Viktor Kremenyuk.
Kärim Kamal
Düşämbedä Mäskäw Quşma Ştatlar strategiäsen bäyän itü uñayınnan, häm bigräk tä anda Rusiäne niçek telgä aluğa cawap yözennän şaqtıy qırıs süzlär belän yazılğan maxsus belderüen iğlan itte. Tışqı eşlär ministrlığınıñ mäğlümat wä matbuğat bülege isemennän taratılğan şul qäğäzdä, "närsä, xäzer yaqın kiläçäktä Quşma Ştatlar wä Rusiä mönäsäbätlären bik ük şäp bulmağan çor kötäme? digän soraw quyıla häm demokratiäne alğa sörgän bulıp Quşma Ştatlar fäqät üz mänfäğätlären genä qayğırta digän xis qala dip belderelä.
"Demokratiäne täfsirläwgä berkemneñ dä monopoliäse yuq, demokratik üseşkä yardäm itep bula, ämma här il, Quşma Ştatlarnıñ üze kebek ük aña üze kilergä tieş" dielä Rusiä tışqı eşlär ministrlığı belderüendä. Mäskäw açuın bigräk tä yaña amerikan strategiäsendä ike il arasında ireşelgän uñay qazanışlarnı telgä almaw çığara.
Ğädättä Kreml'' qaraşların çağıldıruçı Sergey Markov, Mäskäwdäge Säyäsi tikşerenülär institutı mödire, Rusiä açuın añlap bula, Quşma Ştatlar Rusiäneñ dönyada üzençä eş itüenä öyränergä tieş, dip belderä:
"Minemçä, Rusiä üzen Quşma Ştatlarnıñ härnärsäne ul telägänçä genä eşläw omtılışlarınnan yaqlarğa tırışa. Quşma Ştatlar xäzer köçäyä barğan Rusiä belän niçek eş itärgä öyränergä tieş. Uzğan yıllarda köçsez Rusiäneñ Amerika belän här ölkädä dä kileşep baruınnan soñ bu älbättä xäzer awır. Bez Rusiädäge säyäsi qorılışnı tänqitläwgä açıq, läkin uñay yaqlar tanılğan oçraqta ğına", di Kreml'' qaraşların yaqlawçı belgeç Sergey Markov.
Ä menä Viktor Kremenyuk, Mäskäwdäge AQŞ-Kanada institutı mödireneñ urınbasarı başqaça fikerdä, Rusiä tışqı eşlär ministrlığı belderüen ul "şaşınulı" dip bäyäli häm Mäskäwneñ tänqitne kütärä almawı il öçen awır näticälärgä kiterä ala, dip kisätä:
"Rusiä belän Amerika arasındağı mönäsäbätlärneñ naçarayuı inde berniçä yıl däwamında bara. Bu xaqta yazğan belgeçlär monıñ bik naçar tämamlana aluın äytä. Mäskäwneñ Washington belän qarşılıqları inde Ukraina, Kavkaz, Üzäk Aziägä awıştı. Ägär dä Quşma Ştatlar bezne annan da qısıp çığarsa, Rusiä tämam üze, ber Lukaşenka belän genä qalaçaq", di Viktor Kremenyuk.
Soñğı aralarda Washington Rusiäneñ şikle atom programması bulğan İran häm radikal'' fälästin törkeme "Xämas" belän tığız mönäsäbätlär urnaştıruına bik borçıluın belderep kilde. Moñardan tış, di Kremenyuk, Quşma Ştatlarnı Rusiä eçendäge täräqqiat tä bik borçıy:
"Amerikannar Rusiädä demokratik bulmağan, zolım xakimiat urnaşuına borçıla, çönki alar öçen atom qoralı bulğan politsiä däwläte qabul itelmäslek ber ixtimal. Alar moña qarşı köräşäçäk", di Mäskäwdäge AQŞ-Kanada institutı mödireneñ urınbasarı Viktor Kremenyuk.
Kärim Kamal