Accessibility links

Deputattar mäktäptä din uqıtıuğa qarşı


Bögön Däülät yıyılışı-Qoroltayźıñ sirattağı ultırışı ütte. Parlament yıyınında 40-tan aşıu norma xoquq aqtı qaraldı. Bögöngö ultırışta deputattar arahında ayırıusa mäktäptärźä prawoslaw dine därestären uźğarıu xaqındağı mäs'älä añlaşılmawsanlıqtar tıuźırźı. Deputattar bögön Räsäy grajdandarınıñ din totowğa irke xaqındağı konstitusion xoquqtarına bäyle möräjäğät qabul itte. Däülät yıyılışı- Qoroltay deputatı Räşiźä Soltanowa äyteüyınsä, ayırıusa Başqortostan keüyıq küp millätle häm törlö din väkildäre töyäk itkän respublikala dini beldereüźär menän haq bulırğa käräk. Räşiźä Soltanowa fekerensä, ber dinde ikensehyınän östön quyıu säbäple seterekle xäldär kilep tıuıuı ixtimal. Deputat Räşiźä Soltanowa äytmeşläy, xäźyır här sinıfta dini törkömdär, xärbi köstärźä prawoslaw yäki mosolman rotaları töźörgä käräk bulasaq. Älbittä Başqortostan parlamentı deputatı bıl turala äsenep äytte.

Unıñ qarawı dindarźar bıl beldereüźe başqasaraq qabul itä. Neftekama qalahı iman-möxtäsibe Sabiryän xäźrät il yetäkselege yämğiätte törlö yolomdarźan qotqarıuźıñ iñ dörös yulın taptı tip isäpläy. Unıñ fekerensä, xalıqtı dingä mäktäptä genä tügel, ä balalar baqsahınan ılıqtırırğa käräk. Tik mosolman xajiźarın ber mäs'älä borsoy. Sönki mäktäptärźä prawoslaw din täğlimättären öyräteü genä qarala. Ä başqa tradision dindär, şul isäptän íslam dine xaqında äytelmäy. Sabiryän xäźrät äyteüyınsä, ägär prawoslawie öyrätelä ikän, islam dine unıñ menän ber qatarźa tororğa teyeş.
XS
SM
MD
LG