Accessibility links

җомга, 9 декабрь 2016, Казан вакыты 04:51

Äfyün belän bäyle cinayätlärne açu arta


Respublikada narkotiklar äyläneşen kontrol'dä totuçı federal' xezmät idäräsenä bu könnärdä 3 yıl tula. Üz tuğan könen älege oyışma narkomaniä tiräsendäge stabil' wäzğıät belän qarşı ala. Äle berniçä yıl elek kenä respublikada äf'yun qullanuçılar yıl sayın 25-30%qa artqan bulsa, uzğan yıldan älege san 4-5%nı täşkil itä. Bügen respublikada 8 meñgä yaqın narkoman terkälgän. Bu, älbättä, räsmi sannar ğına. Tatarstannıñ qayber şähärlärendä äf'yun belän ağulanıp ülüçelär kimegän. Mondıy wäzğıät Qazan, Bögelmä häm Yäşel Üzändä küzätelä. Ä şul uq waqıtta Yar Çallı, Leninogorsk, Tübän Qama häm Alabuğa şähärlärendä narkotiktan ülem ike tapqırğa diärlek artqan. Bu xaqta respublikanıñ narkotiklar äyläneşen kontrol'dä totuçı federal' xezmätneñ matbuğat bülege citäkçese Yılena Pavlova belderde.

Bıyıl narkotik tä'sirende eşlängän cinayätlär sanı artqan. Şul isäptä xatın-qızlar tarafınnan eşlängän cinayätlär dä arttı dip belderde Yılena Pavlova. Anıñ äytüençä, Tatarstanda narkotiklar bäyle cinayätlärne açu da arta bara ikän. Şuşı yılnıñ berençe aylarında da 700gä yaqın andıy cinayät açılğan. Bu uzğan yıl belän çağıştırğanda 34%qa kübräk. Häm şuşı waqıt eçendä respublikada narkotik belän bäyle 325 cinayät eşe quzğatılğan. Cinayätlär açılunıñ artuı bu eş belän narkotiklar äyläneşen kontrol'dä totuçı federal' xezmät idäräse dä şöğellänüe bäyle. Elek isä bu eş fäqät eçke eşlär ministrlığına yöklängän bulğan.

Al'bina Zäynulla

XS
SM
MD
LG