Altay ölkä mäxkämäse märxüm gubernator Mixail Yevdokimovnıñ ülemendä gäyeplänep, 4 yılğa iregennän mäxrüm itelgän Oleg Çerbinskiynıñ xökem qararın ğämäldän çığardı. Advokatlarnıñ dälilläre belän kileşkän mäxkämä, bu eşne tuqtattı. Advokatlar Yevdokimov haläk bulğan qazada, berençe çiratta kirägennän artıq qızu barğan ğubernator maşínasın yörtüçe gäyeple, dip rasladılar. Soñğı könnärdä Rusiäneñ küp kenä şähärlärendä Çerbinskiynı yaqlap küp törle aksialär ütte. Xökem qararın ğämäldän çığaru xaqında yöz meñnärçä imzalar cıyıldı.
