Accessibility links

Кайнар хәбәр

Berezovskinı Rusiägä qaytarmaqçılar


Rusiäneñ baş prokuraturası Britania xäkimiätlärenä tağın ber märtäbä, eşquar Boris Berezovskiynı Rusiägä qaytaru turında sorap, möräcäğät itmäkçe. Bu xaqta Rusiäneñ, baş prokuror urınbasarı Vladimir Kölesnikov belderde. Febräl ayında Berezovskiy östennän yaña cinayät eşe quzğatılğan. Berezovskiy, Rusiädä xäkimiätne köç qullanıp yawlap alırğa niätläwdä gäyeplänä. 1 martta anı qaytaru turında Londonğa taläp cibärelgän bulğan. Britania xäkimiätläre Berezovskiynı qaytarudan baş tartqanğa, Däwlät Duması, comğa könne bu soraw belän Britania parlamentına möräcäğät itärgä niätli.
XS
SM
MD
LG