Accessibility links

җомга, 2 декабрь 2016, Казан вакыты 23:00

Ex, sez, matur qızlar, nik şayartasız?..


“ Ex sez matur qızlar?!” - äye, bik matur şul xäzer qızlar. Ber qaşıq bal kebek dilärmäle, alıp qabası ğına kilä. Yegetlärneñ bolay uylawların älbättä qızlar belälär, kürälär häm tağuında da ballıraq kürenergä tırışalar. Tanışalar, küreşelär dä ğişıq-mıyşıq uyının uynarğa bulalar. 21 ğasır yäşläre bu uyınnı bik osta uynıylar. Läkin ni qızğanıç, axırı ğına bik ük matur tämamlanmıy. Qızlarnıñ kübese saflığın yuğalta, xäyer saflıq digän töşençä yäşlärgä yat äyber inde ul. Şuña kürä yoğışlı awırular yoqtıralar yäki yökkä uzalar. Bu uyınnıñ iñ yuğarı noqtasında yegetlär-qızlar yuğalıp qalalar, çönki ğişıq-mıyşıq uyını başta alarğa bik oşıy häm axırı qurqınıç çirlärgä, kötelmägän borılışlarğa kiterer dip berse dä uylamıy. Monda möğayın xalıq mäqälen iskä töşerergä kiräkter; “Сide qat ülçä – ber qat kis” Yuq şul, ülçänep, uylanıp betelmi, şunlıqtan ğişıq uyınınıñ qorbannarı artqannan – arta bara. Bezneñ oçraqta qorban - yeget keşe. Ul üze Qazannan 100 çaqrım yıraqlıqtağı rayonnıñ ber awılınnan. 21 yäşlek student yeget. Älege awıl yegete ğişıq uyınınnan yoğışlı awıru eläkterä, studentta zur aqçalar bulmasa da, ul aqçalarnı tabıp, däwalanırğa mäcbür bula. Ozın süzneñ qısqası digändäy, bu xälneñ niçek kilep çığuı turında älege yegetneñ üzennän sorarğa buldıq. Ul, isem-familiäne äytmäsägez, tawışnı üzgärtsägez genä äñgämägä qatnaşam dide. Häm bez şulay eşlädek tä. - Sineñ oçraqta niçegräk buldı bu, niçek tanışqan ideñ, nindiräk qız ide ul? - Min üzem awıl malayı. Bu qız belän kafeda tanışqan idem. Başta oçraşıp yördek. Ul minem belän tanışqançı uq bozıq bulğan, bu xaqta min axırdan ğına beldem. Üzem awıru eläktergänne sizgäç qıznıñ üzenä dä sindä awıru bar dip kisätkän idem. Yuq mindä awıru, ike aydan ike ayğa tabipqa kürenäm digän bula, älbättä aldalıy inde ul. Berkemdä xäzer döresen söylämi. Äle haman da şaltırata ul miña, telefonnı almıym, äytäsen äyttem inde, däwalan didem. Ber rayonnıñ awıl qızı, Qazanğa kilep, şuşılay bozılıp, törle kofelarda striptizlar biep yörgän qız bulğan. Anıñ belän censi mönäsäbätkä kergänneñ öçençe könendä üzemdä awırtu toya başladım häm 10 könnän soñ tabipqa möräcäğät ittem. Analizlar birü genä dä bik qimmät bäyälärgä töşte. Yaqınça 1500, daruları, uqolları diseñme, barsına da aqça kiräk. Bu äle başlanu çire genä, berençe urında gil'maniros, xlomediä, ikençe urında trixomanado häm başqa çirlär dip äyttelär. Aları inde tağuında kübräk aqça kiräk. - Mondıy oçraq belän sineñ berençe tapqır oçraşumı? - Äye, berençe tapqır… - Ä bu närsädän kilep çıqtı ikän, saqlanu çarasın qullanmağannanmı, ällä başqa säbäplär barmı? - Menä şul saqlanu çarasın qullanmağannan. Ul qızdan ğişıq uyının başlağanda uq berär çire yuqmı ikän dip şiklängän idem. Başta saqlanu çarasın qullandım, axırdan onıtıp cibärgänem… - Däwalanu däwerendä nindi taläplär ütärgä kiräk? -Däwalanu däwerendä alkogol' eçemleklär qullanmasqa, censi mönäsäbätkä kermäskä. Darunı waqıtınnan-waqıtına eçep barırğa, bik küp daru eçü organizmda zıyan kiterä. Könenä 9-10 tabletka, ul darulardan başlar awırta başlıy. Sigez kön däwalanırğa başta daru, annarı uqollar. Bolarnı ütkäç tağın analiz biräse, şulay terelgänçe şifaxanä-daruxanälärdän qaytıp kermiseñ. - Şifaxanädä sineñ belän däwalanuçı yäşlär küp ideme, niçä yäştän niçä yäşkä qädär? - Ayıruça qızlar küp, ber yämsez qızda yuq, barsı da matur, çibär qızlar. Däwalanırğa kilgännär yegetlär dä şulay uq yış kürendelär. Yäşlär 18 yäştän alıp, ir-atlar 40 yäşlär tiräsendägelär, şulay uq yoğışlı awırudan däwalanıp yörilär. - Bu oçraqtan soñ qızlarğa qarata mönäsäbäteñ üzgärdeme? - Qızlarğa qarata, xäzer här eşemne baş belän uylap eşli başladım. Elek qaysı elägä şunsına iärep kitä idem. Ber räxätneñ meñ mixnäte digändäy, mixnäte kilep çıqtı. Yışraq uylanıp yörim, kofelarğa da barası kilmi. - Menä sin yeget keşe bularaq äyt äle, törle könne törle qız belän yoqlap yörü ul normal' küreneşme? - Yuq, normal' küreneş tügel. Läkin yäş waqıtta gel ber qız belän yörü tuydıra inde ul. İkençesen ezlilär, öçençesen, näticäse çir, awıru belän tämamlana. - Bäyrämnärdä, yal itkändä yegetlär qızlar çaqırtalar, sin mondıy oçraq belän tanışmı? - Eçkäç, salğaç, äydä qızlar çaqırtıyq dip yegetlärneñ qannarı tağın da yışraq qıza başlıy. Töp säbäpçe alkogol' eçemleklär, ayıq keşe mondıy eşkä barmıy. 90-95% yegetlär eçkän kileş qızlar çaqırtalar. Dosuğ buyınça eşlägän qızlarnıñ kübeseneñ äti-änise yuq, bulğannarınıñ isä qızlarınıñ bozıq yulda yörülären ğailäläre belmilär. Minem duslarım kübräk dosuğ buyınça çaqırtalar. Ul qızlar saqlanu çarası belän eşlilär, awıruları yuq diärlek. Ä uramda basıp toruçı qızlarda awırtu bar, kübese narkoman, awırulı-çirlelär, şunıñ işe närsälär… Bäyälärdä xäzer, dosuğtan çaqırtu 900сум, bu urtaça bäya. Uramdağılarnıqı 300-400, şul tirä. - Häm qaysıların kübräk çaqırtalar inde? - Tanışlarım arasında dosuğ buyınça çaqırtalar. Uramdağılar bit alar öydäge äyberlärne alıp çığıp kitälär. Duslarda käräzle telefonnarnı, altın äyberlärne urlağan oçraqlarda buldı. - Niçek uylıysıñ xäzer saf qızlar barmı ikän? - Saf qızlar, unnıñ berese saf qınadır xäzer… Yegetlär-qızlar kübräk censi mönäsäbät turında uylıylar. Tanışıp tiz genä ğişıq uyını turında qayğırtalar. - Bu awıl qızlarında ğına şundıy xel miken? - Awıl qızları şul äti-äniläre yanında ğına täti bulıp kürenälär inde. Şähärgä kilgäç başqa qızlarğa qarap şähärçä qılanalar, niçek tä bulsa berär yegetne eläkterep anıñ belän tön uzdıru yağın qarıylar. - Niçek uylıysıñ, öylängänçe yegetlärneñ qaysılarına küzläre töşä? - Yegetlärneñ öylängänçe, älbättä, şuşı kafedağı, cil quıp yörüçe qızlarğa küzläre töşä. Alar tışqı qiäfätläre belän bizänüe, qısqa itäktän, kükräkläre açıq, kürsätep yörilär üzlären miña kilegez yegetlär dip. - Üzeñ belän bulğan oçraqtan soñ yegetlärgä-qızlarğa nilär äyter ideñ? - Yegetlär inde ayıq aqıl, ayıq fiker belän eş itsennär. Qızlarğa, belmim yegetlärgä şuşı teläklärne äytäm inde, eçmägez. Awıl qızlarına häm şulay uq şähärnekelärgä, eçep-tartıp, qısqa kiemnärdän cil quıp yörmägez. Sälämät balalar tudırasığız kilsä teläsä kem belän censi mönäsäbätkä kermägez, minem xälgä töşsägez soñınnan kisätmädeñ dip äytmägez! Röstäm İsxaqi

XS
SM
MD
LG