Accessibility links

Кайнар хәбәр

Omski tatar tele uqıtuçıları qorıltayğa kitte


Omskidan Qazanğa Bötenrusiä tatar tele uqıtuçıları häm tatar milli-mädäni komponentlı uqu yortları xezmätkärläre qorıltayına 14 keşe kitte. Alarnıñ küpçelege awıl mäktäplärendä tatar tele däreslären alıp baruçı uqıtuçılar häm rayon xakimiätläre mäğärif bülege xezmätkärläre. Döres, qorıltayğa baruçılar arasında milli mäğärifkä qatnaşı bulmağan keşelär dä bar. Çönki isemlek tuplaw belän ölkä mäğärif ministrlıysınnan tış ölkä tatar milli-mädäni möxtariäte dä şöğellände - üzeneñ aktivınnan wäkillär täqdim itte. Andıylarnıñ berse cirle gazetalarda mäqälälär yazğalap toruçı, 80 yäşkä citkän Sania apa Annenkova.

Uqıtuçılar qorıltayda üzlären borçığan sorawlarğa cawaplar taba alırmı, tatar telen uqıtu buyınça cirle problemalarnı xäl itüdä nindi dä bulsa faydalı kiñäşlär işeterlärme? Ğomümän milli mäğäriftä alğa kiteş bulırmı - älegä äytüe qıyın, härxäldä uqıtuçılar uñay üzgäreşlärgä ömetlänälär.

XS
SM
MD
LG