Accessibility links

җомга, 9 декабрь 2016, Казан вакыты 13:02

“Nur” teatrı xaqında “tügäräk östäl” äzerlänä


Başqortstan tatar milli oyışmaları wäkilläre comğa könne üz utırışın ütkärep, Ufa “Nur” tatar teatrınıñ bügenge xälen tikşerde häm teatrnı qotqarıp qalu mäs’älälären bergäläp qaraw öçen, kiläse atnada “tügäräk östäl” söyläşüe oyıştırırğa kiräk digän qararğa kilde.

Ufa “Nur” tatar teatrınıñ xäle xaqında “Azatlıq” radiosı tıñlawçılarına daimi söyläp torabız. Bügenge köndä Başqortstan tatarlarınıñ şuşı yaratıp yörgän teatrınıñ xäle bik möşkel qala. Äle bulsa anıñ zur zalı açılmadı. Gärçä ike-öç yıl elek ük anı, Qazannan da zur qunaqlar çaqırıp, tantanalı töstä açqan bulsalar da. Zur zal açılmaw ğına tügel, ul xäzer cimerelä dä başlağan inde.

Artistlarnıñ xezmät xaqları da Başqort akademiä drama teatrındağı artistlarnıqı belän çağıştırırlıq ta tügel, bik az külämdä. Şuña kürä dä soñğı berniçä ayda ğına da biredä 15 artist eştän kitkän. Menä şuşı xäl Başqortstan tatar milli oyışmaları wäkillären, tatar zıyalıların bik borçıy. Şuña kürä dä kiläse atnada Başqortstan Mädäniät ministrlığı citäkçelären dä çaqırıp, “tügäräk östäl” söyläşüen oyıştırırğa kileşte tatar cämäğätçelek oyışmaları citäkçeläre. Anda ministr İldus İlişev üze kilergä tieş, digän taläpne quya tatar zıyalıları.

XS
SM
MD
LG