Accessibility links

пәнҗешәмбе, 8 декабрь 2016, Казан вакыты 23:21

Dilmöxämätov tiräsendä säyäsi futbol


27 martta Ufanıñ Kirov rayonı mäxqamäsendä, nihayät, oppozitsion başqort xäräkäte liderı Ayrat Dilmöxämätovnıñ eşe qaraldı. İsegezgä töşeräbez – Başqortstan citäkçelege Ayrat Dilmöxämätovnı bıltır ütkän mitinglarda xalıqnı köç qullanıp respublika xakimiäten bärep töşerergä çaqıruda ğäiplägän ide. Yıldan artıq waqıt ütsä dä mäxqämä maşinası ber urında taptala: bıltır bu eşne Ufanıñ Kirov rayonı mäxqamäse qarıy başladı da şunda uq, bu bezneñ qaramaqta bulırğa tieş tügel, dip anı Başqortstannıñ Yuğarı mäxqamäsenä yunältte. Başqortstannıñ Yuğarı mäxqamäse, üz çiratında, bu eşne kire Kirov rayonı mäxqamäsenä qaytardı. Häm menä 27 martta ütkän mäxqamä utırışında yänä bu eş qaralıp tormadı. Mäxqamä utırışında qatnaşqan prokuratura wäkile Azat Äxmädullin Dilmöxämätov eşen Ufanıñ Kirov rayonı mirovoy mäxqamäsenä tapşırunı soradı. Häm Ufa waqıtı belän 14 säğät 30 minutta mäxqamäçe Zilä Ğabidullina prokuratura wäkileneñ sorawın qänäğätländerde.

Ayrat Dilmöxämätovnıñ advokatı İlnur Sälimcanov eşlärneñ mondıy yünäleş aluın, Başqortstan femidasınıñ, nihayät, qanun buyınça eşli başlawı bilgese dip belderde. Advokat fikerençä, ägär mäxqamälär kiläçäktä dä qanun qısalarında barsa, Ayrat Dilmöxämätov ğayıpsez dip tabılaçaq.

Ayrat Dilmöxämätov üzeneñ ğäipsezlege turında belderde häm aña qarata cinayät eşe açıluın yalğan saylaw byulletennäre basıluın faş itkänem öçen respublika citäkçelegeneñ üç aluı bulıp tora dip añlattı.

Yaña mäxqamä utırışı qayçan bulır - älegä bilgele tügel.

Kärim Yauış, Ufa

XS
SM
MD
LG