Accessibility links

якшәмбе, 4 декабрь 2016, Казан вакыты 21:35

Säğät küçerüdän kemgä fayda?


Säğät tellären küçerüdän Rusiädä yıl sayın 60 meñläp keşe ülä ikän. Yaña waqıt belän yäşi başlawnıñ berençe biş könendä üz-üzeñä qul salu, infarkt oçraqları, yul-transport häläkätläreneñ sanı kisken räweştä arta di belgeçlär.

Eşçelärneñ xakimiät orğannarına küpsanlı möräcäğätlärennän kürengänçä, rusiälelärneñ kübese waqıt küçerügä riza tügel. Bu mäs’älägä tatarstanlılar niçek qarıy? Bügenge açıq mikrofon şuşı xaqta

-Berençe könnärdä awır bula inde ul. Bigräk tä studentlarğa irtän toruı qıyınraq. Ämma nişlätäseñ, däwlät elektroenergiäne ekonomit' itärgä quşa bit. Üzeñ turında ğına uylarğa yaramıy inde!

-İrtän toruları bik awır!!!

-Bar da tärtiptä. Künektem dä inde min. Ämma ğädättä keşelär waqıt küçerüne bik awır kiçerä. Minemçä, säğät küçerü kiräk närsä tügel.

-Bik äybät kiçerdem! İrtän tordım häm menä eşkä kildem ğädättägeçä.

-Kön ozınayğaç, äybät iç inde! Kübräk eşläp ölgeräseñ. Yäş bulmasam da, bik normal' kiçeräm min bu waqıtlarnı.

-Miña bik awır!!! Härwaqıt şulay. Minemçä, waqıtnı küçerergä kiräkmi. Däwlät öçen kiräkter ul bälki, ämma xalıqqa anıñ kiräge yuq.

Elek säğät küçerüne elektr energiäsen ekonomiäläü belän añlatsalar, xäzer isä monnan farmatsevtlar fayda kürä başlağan. Sankt-Peterburgnıñ “Tormışnı poyas waqıtı buyınça tözätü komitetı” äğzälärı şundıy ike dälil kiterä: elektr energiäsen ekonomiäläü nibarı 0,5 protsent qına täşkil itä, ä sälämätlekkä äytep betergesez küp zıyan kilä. Bigräk tä “cäyge waqıt”qa küçü näticäsendä yöräk-qan tamırı awıruları belän integüçelärneñ sanı arta. Ğalim Vyaçeslav Aprelov süzlärenä qarağanda, yazın häm közen säğät tellären küçerü daru biznesı basımı astında başqarıla. Waqıt üzgärtüdän soñ aptekalar ber kvartallıq plannarın arttırıp üti ikän.

Al'bina Zäynulla

XS
SM
MD
LG