Accessibility links

якшәмбе, 4 декабрь 2016, Казан вакыты 05:02

Belarusta oppozitsiä xökem itelä


Belarusta şimbä könne oppozisianeñ uram cıyınnarın quıp taratqanda häm 25 martta Minskiy üzägendäge çatırlar lagerın tar-mar itkän waqıtta totqarlanğannar östennän mäxkämä däwam itä. Uram cıyınnarında qatnaşqanı öçen Rusiäneñ öç watandaşı 15är täwlekkä xökem itelgän. Alar arasında xoquq yaqlawçı Aleksadr Podrabinek ta bar. Şundıy uq xökem qararı ike Ukraina watandaşına häm Polşanıñ Belarustağı elekke ilçesenä çığarılğan. Görcestannan ike curnalistı da berse 5 ikençese 15 täwlekkä iregennän mäxrüm itelgän. Xoquq yaqlawçı oyışmalarnıñ mäğlümätlärenä qarağanda, mäxkämägä 500 gä yaqın keşe tartılaçaq . Alar arasında oppozisiadän prezidentlıqqa elekke nämzät bulğan Aleksandr Kozulín da bar. Anı tärtipsezleklär oyıştıruda gäyeplilär. Qozulínğa 6 yılğa qädär iregennän mäxrüm itü yanıy. 25 martta totqarlanğan Rusiä curnalistı Pavel Şerementnı bügen azat itkännär.

XS
SM
MD
LG