Accessibility links

җомга, 9 декабрь 2016, Казан вакыты 10:55

Rusiä islam universitetına yaña rektor itep İldus Zahidullin saylandı


Rusiä islam universitetı tiräsendä imeş-mimeşlär şaqtıy bardı. Qayber bäysez gäzitlär, islam universitetında uqıtu eşläre bik naçar bara dip şaqtıy yazdılar. Tatar zıyalıları, millä xäräkättä dä bu xaqta küp süz buldı. Häm töp säbäpçe itep Ğosman İsxaqinı kürsätä kildelär. Tatarstan Diniä näzarätendä räise tä, yäğni möfti wazifasın da başqarğan, ber ük waqıtta Rusiä islam universitetında rektor da bulğan Ğosman isxaqi turında uzğan közdän ük şundıy süzlär yörde. YÄ ul rektorlıqtan kitäçäk, yä bulmasa möftilektän. Tatarstan räsmiläre monı teli ikän. Möftilekkä yañadan saylandı, inde menä rektorlıqtan sişämbedä kitte.

Respublika xakimiäte, Rusiä İslam universitetı Rusiädä iñ köçle islam belgeçläre äzerläp çığarunı, Tatarstan räsmiläre totqan yul- evroislamnıñ töp laboratoriäse şunda buluın teli. Premyer qararı belän, RİUnıñ kiläçägen xäl itärgä tieşle komissiädä oyışqan ide.

Ä sişämbedä , Tatarstan premyerınıñ urınbasarı, mädäniät ministrı Zilä Wälieva, Mäskäw İslam universitetı rektorı Marat Mortazin, Tarix institutı direktorı urınbasarı Ramil Xäyretdinov qatnaşqan sişämbedä uzğan cıyılışta Ğosman İsxaqi urınına Tarix institutında ber bülekne citäklägän, tarix fännäre kandidatı İldus Zahidullin saylandı.

Şulay itep, Ğosman İsxaqi xäzer möfti wazifasın ğına başqara. Ä yaña rektor Rusiä İslam universitetına nindi yañalıqlar alıp kiler, ğomumän, bu universitet turında kiläse tapşırularda tıñlıy alasız

Räfis Cämdixan

XS
SM
MD
LG