Tatarstan prezidentı Mintimer Şäymiev ğäräp illärenä eş säfären başladı. 4 aprel'gä qädär däwam itäçäk bu säfärdä, Mintimer Şäymiev Süriä, Berläşkän Ğäräp ämirleklärendä, Söğüd Ğäräpstanında bulaçaq. Säfär turında älegä xäbärlär yuq. Şulayda, qayber küzätüçelär bu säfärne sensatsion dip yazalar. Mäsälän, Zvezda Povolj'ya gäzite şulay dip yazğan ide. Mintimer Şäymievnı, qayber mäğlümatlarğa qarağanda, ğäräp illäreneñ başlıqları, patşaları da qabul itäçäk häm ul keçe xac da qılaçaq. Bu mäğlümatlar niqädär döreslekkä turı kilä- raslap yäki inqär itärlek mäğlümatlar yuq.
