Olimpiä uyınnarı qorbanı Buada yäşäwçe Räwil Sämirxanov turında küptän tügel söylägän idek, xörmätle tıñlawçılar. Rusiä xokkeyçılarnıñ finnarğa ciñelüen belgäç, Räwil äfände yöräk öyänägennän wafat bulğan ide. Menä xäzer dä Tatarstanlı üz komandası öçen borçılıp, zıyan kürgän. Ämma bu yulı televizor ekranı aldında tügel, ä matçtan soñ bulğan bäreleştä Roman Raçkov mi selkenüe alıp, xastaxanägä eläkkän.
Bu Qazan yegeteneñ xäle äle haman da awır qala. Futbol matçına ul berençe tapqır kilgän bulğan. Mediklarnıñ farazlawı buyınça Roman tağın un kön däwamında xastaxanädä qalaçaq. Romannıñ änise isä ulınıñ qaya kitüen dä belmi qalğan. Änisenä qaldırğan xatta Roman – äni, sin miña üpkälämä inde, min Çallığa konsertqa kittem dip yazğan bulğan.
Döresen genä äytkändä, Qazan belän Samar futbol komandalarınıñ canatarları arasında qanlı suğış küptän bara. Anıñ säbäben xäzer berkem dä tögäl genä äytä almıy. Ämma yıl sayın şuşı ike şähärdäge matçlardan soñ, canatarlar suğışa. Soñğı uyınnar da iskärmä bulmadı.
Matç 00 isäbe belän tämamlana. Ämma Samar komandasınıñ canatarları qazanlılarnı tiz genä qaytarıp cibärmi. Qaytırğa çığıp, Tol'yati şähärenä borılışta kafeda tuqtağan qazanlılarnı 60лап Samara canatarı quıp citä. Qazanlılar yuldağı kafeda qaçarğa tırışıp qarasalar da, alar bäreleştän saqlana almıy. Qızu bäreleş waqıtında böten kafe cimerelä, axırda Samar canatarları Qazan “Gazel'”läreneñ täräzälären wata. Ämma Qazannan kilgän jurnalistlarnıñ maşinalarına timilär.
“Rubin” futbol klubınıñ citäkçese Aleksandr Äybätov “Komsomol'skaya Pravda” gäzite xäbärçesenä Roman Raçkovtan tış bäreleştä qatnaşuçılar üzlären yaxşı xis itä. Älege köndä tikşerülär bara dip äytkän. “Rubin” canatarları räncülärenä qaramastan, samaralılarğa däğwä belderergä cıyınmıy. Alar xäzer Qazanda bulaçaq futbol matçın üç alu teläge belän kötä.
Al'bina Zäynulla
