Accessibility links

якшәмбе, 4 декабрь 2016, Казан вакыты 15:16

Däwlät Şurasnıñ çirattağı sessiäse uzdı


Qazanda 30 mart könne Tatarstan Däwlät Şurasnıñ çirattağı sessiäse uzdı. Ğädättä ğadi xalıq sessiäneñ barışı, anda qaralğan mäsällär belän ällä ni qızıqsınmıy ide. Läkin bu yulı küplär deputatlar utırışınıñ näticäläre xaqında mäğlümat alırğa telär, möğäen. Çönki pänceşämbedä Däwlät Şurasında xalıqnıñ iğtibarın cälep itä torğan ber mäs’älä qaraldı. Süz uyın biznesınıñ eşen cayğa salu qanunı turında bara. Xäzer küp kenä keşelärne aqçalarsız qaldırğan uyın avtomatların, şähärlärdä dä genä tügel xätta awıllarda da urnaşqan Romaşka häm Stolbiklarnı ber urınğa cıyaçaqlar. 30 martta öçençe uqılışta qabul itelgän qanun buyınça xäzer uyın avtomatların respublikanıñ barı tik ike munitsipal berämlegendä – Qazanda häm Kama Alanında ğına urnaştırırğa mömkin. Uynarğa, aqça tuzdırırğa häm otarğa telägän keşe monı ayırım bülenep birelgän cirgä genä barıp eşli alaçaq. Kazino, uyın salonnarı qanun ğämälgä kergännän soñ 2007 yılnıñ 1 gıynwarenä qädär bilgelängän urınnarğa küçep betärgä tieş.

XS
SM
MD
LG