Accessibility links

якшәмбе, 11 декабрь 2016, Казан вакыты 13:03

Rusiä töbäklärendäge tatar tele uqıtuçılarınıñ IV qorıltayı tämamlandı


29 mart könne Tatar tele uqıtuçılarınıñ IV Bötenrusiä qorıltayı üz eşen tämamladı. Qazanğa Rusiäneñ küp kenä töbäklärennän cıyılğan 500 tiräse keşe tatar mäğärife problemaların tikşerep, öylärenä taralıştı. Çärşämbe kiçendä isä qorıltay delegatları üzläreneñ eşlärenä yomğaq yasar öçen şähärneñ Aq bars tamaşalar zalına cıyıldı. Monda cıyılış qısalarında eşlägän 8 seksiä utırışına näticälär yasaldı, räsmi dokumentlar qabul itelde. Qorıltayda qabul itelgän ber qarar ayıruça qızıqlı. Qazanda Rusiä tatar mäktäpläre häm gimnaziäläre direktorlarınıñ Şurası oyıştıru turında xäl itelde. Bu xaqta ber seksiä täqdimen cıyılışnıñ delegatları xupladı. Şulay itep, xäzer yılğa berniçä märtäbä töbäklärdän tatar mäktäpläre citäkçeläre Qazanğa cıyılıp, üzläreneñ problemaları xaqında kiñäşläşäçäk. Çärşämbedä tatar tele uqıtuçılarınıñ bötenrusiä qorıltayı tämamlandı, läkin 30 martta Qazanda mäğärifkä qağılışlı tağın ber cıyın başlanıp kitte. Bu yulı respublikanıñ yäş pedagogları cıyıldı Tatarstan başqalasında. Respublikanıñ törle rayon, şähärlärennän kilgän 300 keşe tatar däwlät humanitar-pedagogika universitetında üzläreneñ problemaları, alarnı çişü yulları xaqında kiñäşläşäçäk.

Gölnaz İlgizär

XS
SM
MD
LG