Accessibility links

якшәмбе, 4 декабрь 2016, Казан вакыты 09:21

Ğiraqta Amerika jurnalistı azat itelgän


Ul 7 ğıynwarda ekstremistlar tarafınnan Bağdadta totqarlanğan ide. Ğıyraq telewideniewenä äñgämä birgän Keroll, anıñ belän yaxşı mögämälä buluın,tik anı ni öçen urlawların haman añlamawın belderde. Ğıyraq xäkimiätläre, ekstremistlar anı sönni partialärneñ bersenä tapşırğanın äytte. Jurnalisteıñ xäle yaxşı, xäzerge waqıtta ul Bağdadnıñ yäşel zonasında. Anda diplomatia, xäkimiät häm administrativ binaları urnaşqan. AQŞnıñ Ğıyraqtağı ilçelege häm amerika xärbi qomandalığı bu xälgä bäyä birüdän baş tarttı. Elegräk curnalistnı urlawçılar, ägär dä amerika xärbi qomandası Ğıyraq törmälärendä utıruçı xatın qızlarnı azat itmäsä, bez anı üteräbez, dip yanağannar ide. Dönyada professionäl eşçänlekläre säbäple curnalistlarnı üterü, ezärlekläw däwam itä. Xalıqara matbuğat institutı mäğlümätlärenä qarağanda uzğan yıl 65 curnalist üterelgän. Şular arasında ike curnalist Rusiädän, berse Belarustan häm ber curnalist Äzerbaycannan. İñ küp üterelgän curnalistlar Ğıyraqta.

XS
SM
MD
LG