26 Martta İstanbulda Tatarstan respublikasınıñ Törkiädäge tulı wäkalätle wäkilçelege tarafınnan oyıştırılğan cıyılışqa Ankara, İstanbul, Eskişehir, İzmir, Kütahya hem Konya qalalrınıñ Tatar oyışmaları wäkilläre belän aldınğı şäxeslär qatnaştı. Alar “Ädäbiyat häm Sänğat yılı” uñayı belän Törkiädä nindi çaralar kürü mäsäläsendä mäslixätläştelär. Şunnan soñ Mecidiyeköy Mädäniät Üzäge zalında başta Marmara Universitetınnan Dr. İsmail Türkoglu “Qazannıñ 1000 yıllığına bağışlanğan” fotoräsemnär kürsätte. Annarı Tatar studentlarınıñ 4-nçe bäygese uzdırıldı. Bäygeneñ töp teması Tuqayğa bağışlanğan ide. Tatarstannan kilgän cırçı Rawil Galiev tä qunaqlarğa matur cırların başqardı. Şuşı bäyge İstanbulda häm başqa şähärlärdä sibelep yäşägän Tatarnıñ da ber arağa kilüwenä säbäp buldı.
Äxtäm İbrahim, İstanbul
Äxtäm İbrahim, İstanbul
