Accessibility links

җомга, 9 декабрь 2016, Казан вакыты 03:06

Alış qıza bara


Bilgele tatar eşquarı häm cämäğät eşleklese Ramil Bignovnıñ Ufada tatar balaları öçen gimnaziä açu öçen birgän tözelep betmägän administrativ binası tiräsendä kierenkelek üsä bara. Ramil Bignovnıñ şundıy teläge bilgele bulğaç ta Başqortstandağı tatar cämäğätçelege Ufa şähäre citäkçelärenä şuşı bina nigezendä tatar gimnaziäse açarğa röxsät birüne sorap möräcäğät itkän idelär. Şähär xakimiäte – Ufada tatar balaları öçen gimnaziälär citärlek, başqası kiräkmi, dip cawap birde. Şuña qaramastan, tatar cämäğätçelege Ufanıñ bu urınında gimnaziä açılaçağına moña xätle şiklänmi ide. Ni disäñ dä süz şähär byudjetına bernindi köç kitermiçä genä uqu yortı açu turında bara bit.

Ämma, 30 martta arbitraj mäxqamäse qararına nigezlänep ber törkem cimerü maşinalarınıñ älege bina yanına kiläçäge açıqlandı. Mondıy xäbärne alğaç ta Başqortstan tatarları milli-mädäni moxtäriäte räise urınbasarı Mäcit Xucin tatar gimnaziäseneñ bulaçaq binasın cimerüdän saqlar öçen tatar milli oyışmaları citäkçelärenä möräcäğät itte. Berniçä distä tatar wäkilläre qulğa-qul totınıp basqannan soñ, cimerü texnikasın alıp kittelär. Bu çarada qatnaşuçılar tatar balalarına täğäyenlängän binanı saqlawda yärdäm sorap Rusiä Prezidentı Putinğa telegrammalar suqtılar. Kiläse düşämbedän başlap tatar oyışmaları älege binanı cimerügä qarşı Ufa şähäre xakimiäte binası aldına waqıtı çiklänmägän piketqa basarğa niätlilär.

Kärim Yauış, Ufa

XS
SM
MD
LG