Accessibility links

дүшәмбе, 5 декабрь 2016, Казан вакыты 11:35

Bäläbäydä «İlham çişmäläre» şiğriät bäyräme başlandı


Başqortstannıñ Bäläbäy rayonında häm şähärendä «İlham çişmäläre-2006» şiğriät bäyräme başlandı. Yıl sayın yaz başında oyıştırıluçı şuşı matur mädäni çara bıyıl unınçı tapqır ütä. Anda, här yıldağıça, şağirlär, yazuçılar, jurnalistlar häm artistlar qatnaşlığında baytaq tantanalı oçraşular qaralğan.

Başqortstannıñ tanılğan icat häm sänğät ähellärennän tış, Bäläbäy rayonındağı häm şähärendäge bäyrämgä Tatarstan belän Çuaşstannan da qunaqlar çaqırılğan.



«İlham çişmäläre» bäyräme barışında Fatix Kärim isemendäge premiälär dä tapşırılaçaq. Bäyrämgä kilüçelär öçen bıyıl da bik bay mädäni programma äzerlängän. Qunaqlar rayonnıñ Nadejdino awılında Aksakovlar ğailäseneñ yort-muzeenda, Ösän-İvanovkadağı tarixi-mädäni üzäktä, Slakbaş awılında, Bäläbäy şähäreneñ pedagogiä köllätendä, 8 nçe sanlı urta mäktäptä, awıl xucalığı, maşina tözüçelär texnikumnarında häm başqa istälekle urınnarda bulaçaq.



Şiğriät bäyräme barışında, här yıldağıça, bıyıl da dürt teldä:rusça, başqortça, tatarça häm çuaş telendä näşer itelgän çirattağı «Salawat küpere» kümäk cıentıgınıñ isem tuyı da ütäçäk. Bu kitapqa yözgä yaqın qäläm äheleneñ şiğri äsärläre kergän. Bäläbäy töbägendäge bäyräm açıluğa turı kiterep, balalar icatına bağışlanğan «Qaläm sınaw» isemle kitap ta dönya kürgän ide, anıñ da isem tuyı ütäçäk.

Fänis Fätxi, Ufa



XS
SM
MD
LG