Accessibility links

якшәмбе, 4 декабрь 2016, Казан вакыты 17:20

Soyuz ğäläm korabı Xalıqara Ğäläm Stansiäsenä berençe Braziliä astronawtın kiterde


2 kön elek cirdän quzğalıp kitkän Rusiäneñ Soyuz ğäläm korabında Braziäläneñ berençe astronawtı Marcos Pontes xalıqara ğäläm stansiäsenä kilep citte. Soyuz stansiägä bügen irtän Qazan waqıtı belän 7 säğät 19 minutta quşıldı.

Annan soñ hämma närsäneñ tärtiptä buluın tikşerü eşläre säğätyarım däwam itte. Xalıqara stansiägä Braziliä äläme belän kilgän Pontesnı anda Rusiä astronawtı Valeriy Tokarev häm Amerikan astronavtı Bill McArtur qarşıladı. "Qapqaçnı açabız. Sälam Markos" dide Tokarev.

Qoçaqlaşıp übeşülärdän soñ Mäskäwdäge Rusiä oçışlar idaräse üzägendä cıyılğan räsmilärneñ qotlawları buldı. Braziliä ğäläm idaräse wäkile "Sez öç ilne wäkillek itüçe genä tügel. Sez böten dönyağa şunı citkeräsez. keşelek ğälämgä çığarğa tieş. Ämma monıñ barı ber genä yulı bar – bergäläp" dide.

Rusiäneñ oçışlarnı idarä itüçe baş wäkile Aleksey Krasnov şayartıp "Berençe aprel belän qotlıym. Soyuzda beräwne dä onıtıp qaldırmadığızmı dide. Tokarev bez tağın ber qat tikşererbez" dip cawap birde.

Quşma Ştatlarda künedülär ütkän Pontes Xalıqara Stansiägä AQŞ ğäläm korabında kilergä tieş ide. Ämma Columbia korabı hälakätennän soñ AQŞ üz oçışların tuqtattı. Rusiä Pontesqa ğälämgä kütärelü mömkinlege birde.

Pontes xalıqara stansiädä ber atnadan artığraq bulaçaq häm berniçä sınaw ütkäräçäk, şulay uq ğälämnän Braziliäneñ öslegen tikşeräçäk.

Annan soñ ul üktäberdän birle stansiädä eşlägän Tokarev häm McArthur belän bergä 9-nçı apreldä cirgä qaytaçaq. Alarnıñ aldağı yartı yılğa amerikalı Jeff Williams häm rusiäle Pavel Vinogradov almaştıraçaq.
XS
SM
MD
LG