Accessibility links

якшәмбе, 11 декабрь 2016, Казан вакыты 14:56

Rice AQŞnıñ Ğiraq säyäsäten yaqlap çığış yasadı


AQŞ däwlät sekretare Condoleezza Rice AQŞ administratsiäse Ğiraqtağı watandaşlar qarşılığına äzerlänä almağan digän tänqitlärgä qarşı çıqtı. Rice bügen Angliäneñ tönyağındağı Blakburn şähärendä çämäğät wäkilläre, möselmannar belän oçraşuda Ğiraq häm terrorğa qarşı suğış mäs'äläläre turında söyläşte. Ricetan qala Britaniä tışqı eşlär ministrı Jack Straw qatnaşında ütkän oçraşudan soñ alarnı uramda 200 läp demonstratsiäçe suğışqa qarşı şiğarlär belän qarşıladı. Oçraşuda ber keşe Ricetan anıñ Ğiraqqa 3 yıl elek AQŞ citäkçelgendäge ğäskärlär kergännän soñ Amerika meñnärçä xata yasadı digän süzlärenä añlatma birüne soradı. Rice "Ägär sezneñ qayçan da bulsa qararlar qılğanığız bulsa, şiksez sez xata cibärgän bulasız. Min şunı küz aldında tottım. Ämma zur strategik qararlar döres bulırğa tieş. Häm min Säddam Xösäinne bärep töşerü, Ğiraq xalqına tınıçlq häm demokratiä mömkinlege birü turında qarar döres bulğan dip ışanam" dide. Rice şulay uq Amerikanıñ ildä häm dönyada ğädellek häm qanunlılıq teläwenä şik bulmasqa tieş dide.

XS
SM
MD
LG