Accessibility links

шимбә, 10 декабрь 2016, Казан вакыты 21:38

İranda zilzilä 15 meñ keşene yortsız qaldırğan


İran räsmiläre comğa könne ilneñ könbatışında 70-tän artıq keşene ütergän cir teträwlär 15 meñläp keşene yortsız qaldırdı dip belderä. Soñğı räsmi sannarğa qarağanda, zilzilä 330 awılğa zıyan kitergän. Alarnıñ qayberläre tulısınça cimerelep betkän. Tışqı eşlär ministrı urınbasarı Möxämmät Baqir Zölqäder ezläw-qotqaru eşläre tuqtaldı, inde xäräbälär astında ber mäyet tä qalmağan dip isäplänelä dide. BMO cir teträwdän soñ İrannıñ nindi yärdämgä moxtac buluın belü öçen wäkillär cibärüen iğlan ittı. AQŞ İranğa humanitar yardäm täqdim itte. İran inde kiräk tügel digännän soñ Rusiä qotqaruçılar häm tabiblar cibärü niätennän çigende. Ämma Rusiä ğädättän tış xällär ministrlığı süzçese İran yardämne xuplawın belderde dide.

XS
SM
MD
LG