Tübän Novgorod şähäreneñ iñ zatlı opera häm balet teatrında ul könne alma töşärlek tä urın yuq ide. Bu xäl ölkäneñ citäkçelegen dä şaqqattırdı. Mondıy tulı zallarnı küptän kürgännäre bulmawın äyttelär alar üz çığışlarında.
Rusiä Prezidentınıñ İdel buyı federal' okrugıyndagı wäkile urınbasarı Vladimir Zorin, Tübän Novgorod ölkäse gubernatorı urınbasarı Aleksandr Sapin, Tübän Novgorod ölkäse Zakonnar çığaru cıyını räise urınbasarı Nikolay Karmanov festival'ne qotlap, anıñ eşenä uñışlar telädelär. Yıl sayın traditsion räweştä festival'neñ açılu tantanasın Räşit Wahapovnıñ tuğan yağı - Tübän Novgorodta uzdıru täqdime belän çıqtı gubernator urınbasarı. Festival'neñ citäkçese häm avtorı, “Tatarstan” jurnalı baş möxärrire Rifat Fättäxov moña qarşı kilmäde. Ul 2008 yılnı Wahapovnıñ tuuına 100 yıl buluın häm aña häykäl quyarğa kiräklegen belderde.
Festival'dä Tatarstannan Däwlät Şurası räise urınbasarı Rimma Ratnikova, deputatlar Robert Miñnullin, Rinat Zakirov häm başqalar qatnaştı häm şulay uq qotlawların citkerep, uñışlar telädelär.
Tübän Novgorodnıñ Qızıl Oktäber, Serğaç, Pilnä rayonnarınnan, Sankt-Peterburg, Mäskäw şähärlärennän kilgän millättäşlärebez festival'gä biletlarnı atna-un köndä alıp betergännär.
Qızıl Oktäber rayonı Simoçki awılı kolxoz räise, keçkenädän ük Räşit Wahapov konsertların küzätkän Ramil Fetxullin
Bez rayonnan 9 avtobusta häm 20дән artıq maşinalarda kildek. Barlığı rayonda 450 keşe bilet aldı. Min üzem keçkenädä Räşit Wahapov konsertın qarağan idem. Ul çaqta xalıq sıymıyça, ul mäydanda maşinağa basıp cırlağan ide.
4 säğät däwamında millättäşlärebez Tatarstan sänğät'kärlären sulış ta almıyça tıñladılar. Qazan-Ğor'ki poyezdınıñ ber vagonın tutırıp kilde cırçılar. Aydar Gabdinov, Al'bina Kincaliewa, İlşat Wäliev, Aygöl Sağınbayıwa kebek yäş cırçılarnıñ çığışları şaqtıy äsir itte tamaşaçılarnı.
Yäşlär belän berrättän, inde şaqtıy tanılğan Ferdinand Säläxov, Zöhrä Säxäbiewa, Zaqir Şahban, İdris Gaziev cırladılar. Xalıq şaqqatıp tıñladı. Tatar cırlarına şaqtıy susağannar. Älfiä Avzalova çıqqaç zal torıp basıp qul çaptı häm 2 cırdan soñ da cibärergä telämäde.
Älfiä Avzalova 3нче cırın da başqarırğa mäcbür buldı.
İlham Şakirov üz çığışın Räşit Wahapov turındağı istäleklären urtaqlaşudan başladı
Anıñ üz yöze bar ide, anıñ cırların qabatlap bulmıy.
Räşit Vahapovnıñ 2нче Xalıqara cır festivaleneñ açılışı İlham Şakirovnıñ cırlawı belän yabıldı.
Festival'ne alda zur yullar kötä. Bu xaqta festival' başlanır aldınnan “Tatarstan” jurnalı baş möxärrire Rifat Fättäxov
Festival' plannarında Baltıyk buyı – Tallin, Riga, Vil'nyus, ä Saban tuyı waqıtında Almaniägä baru tora. Yaqınraqqa kilgändä İjau, Çabaqsar, Ul'yan, Çiläbedä kötälär. Ä közen gala-konsert Qazanda uzaçaq.
Landış Xarrasova
