Accessibility links

сишәмбе, 6 декабрь 2016, Казан вакыты 08:45

Omskida “Säläm” tapşıruı tergezelerme?


Omskinıñ “İrteş” teleradio şirkate qarşında eşläwçe “Säläm” tatar radiotapşıruınıñ yaña yıldan tuqtatıluı turında “Azatlıq” tıñlawçılarına citkergän idek. Küp kenä tıñlawçılar tatar tapşıruın tuqtatmawların sorap, teleradioşirkate citäkçelegenä häm ölkä başlığına möräcäğät ittelär. Xäzer Gubernatorğa yullanğan xat buyınça radiotapşırunı tergezü mömkinlege tikşerelä. Uzğan atnada ölkä külämendä eşläwçe “OTV” teleradio şirkate direktorı Nikolay Fedoseev “Säläm” tapşıruı avtorları häm möxtäriät aktivı belän oçraşıp, tapşırunı elege şirkätkä qarağan “Komeş yañğır” isemle radio dulqınnarında çığaru mömkinlege turında süz alıp bardı. “Tapşırunı elekke urınında, yäğni “İrtış” teleradio şirkate qarşında tergezü dä küz aldında totıla” dide ul.

Älegä “Säläm” tapşıruı tergezelmägän. Döres, Nikolay Fedoseev süzlärençä, anıñ ölkä xakimiäte qaramağında bulğan berär şirkät qarşında eşli başlawına ömet zur. Ämma qayçan bu ömetlär tormışqa aşır, älegä äytüe qıyın.

Rozaliä Sayganova,Omski.

XS
SM
MD
LG