Accessibility links

җомга, 9 декабрь 2016, Казан вакыты 12:46

“Qazan utları” jurnalınıñ 1001 sanı: “Mäxäbbät cırçısı - şağir Rädif Ğataşqa 65 yäş


Qazan utları“ jurnalınıñ 1001 sanı “Ruxi ğälämdä yäşärgä” digän isem astında Prezident Mintimer Şäymiev belän jurnalnıñ baş möxärrire, şağir Rawil Fäyzullin äñgämäsennän başlanıp kitä.

Şiğriät häm çäçmä äsärlär säxifäsendä Möxämmät Mirzanıñ “Robağilar”ı, 70 yäşen tutırğan Klara Bulatovanıñ yaña şiğerläre, Şämsiä Cihangirovanıñ ”Yaralanğan ber qoş sıman” dip atalğan şiğri şälkemnäre belän berrättän Marat Ämirxanovnıñ äsir töşkän möselmannarnıñ İdel -Ural legionı turında “ İ, qılğan doğam minem” dip atalğan poveste, häm Zahit Mäxmüdinıñ Çeçen suğışında kontrakt tözep suğışta qatnaşuçılar turındağı “Härkemneñ üz yulı ”dip isemlängän zur külämle romannıñ başı urın alğan.

Şulay uq yäşlär şağirälär, El'mira Cälilova häm Liliä Ğibadullinanıñ şiğırläre birelä.

“Qazan utları” jurnalınıñ şuşı 1001 sanında kürenekle şağir Rädif Ğataullinnıñ şiğerläre dä basılğan. Bez anı Azatlıq radiosınıñ Qazan byurosına çaqırdıq.

Ul Başqortstannıñ Kuşnarenko rayonı Mars awılında tuğan. Qazan universitetın tämamlağannan soñ ul ber yıl Tatarstannıñ Möslim rayonında mäktäptä balalar uqıta. Xäzerge köndä tanılğan zur ädiplär , şağirlär Zölfät, Nais Gambär , Färit Ğilmi kebek şäxeslär, ul uqıtqan waqıtta anıñ uquçıları bula.

Menä inde ul 30 yıl buyı “Qazan utları” jurnalında xezmät itä. Küp yıllar buyı jurnalnıñ poeziä bülegen citäkli.

“Qazan utları ”jurnalında turıdan-turı şiğriät xucalığı öçen cawap biräm şağirlär öçen yanam. Här yaña şağirneñ äsäre ğomumän, şağirlärneñ ör-yaña poemaları , şiğerläre minem aşa uza”,- dide ul.

Jurnalnıñ 1001 sanında basılğan şiğerlärdä 65 yäşlek olpat şağir Rädif Ğataşnıñ ğömer-säxifäläre iseme astında anıñ uylanuları, kiçereşläre, birelä.

Ä xäzer ul “Çaqıru”, “Tuğannar” digän şiğerlären uqi.

Rädif Ğataşnı tatar xalqı anı mäxäbbätkä dan cırlawçı şağir itep qabul itä. Zaman xatın-qızlarına qarata sezneñ mönäsäbätegez niçek? -digän sorawğa da cawap birde.

Mälikä Basıyr, Qazan .

XS
SM
MD
LG