Accessibility links

чәршәмбе, 7 декабрь 2016, Казан вакыты 19:33

Mäktäplärne terrorçılardan niçek saqlarğa?


Bügen Tatarstandağı 60 protsenttan artıq uqu yortlarında terrorçılıqqa qarşı köräş häm iminlek eşläre alıp barıla. Konferensiädä Tatarstan Federal' iminlek xezmäte idäräse citäkçese urınbasarı Aydar Tahirov mäğärif bülege citäkçelärenä inde terrorçılarnıñ küp oçraqta niçek eş itüläre turında söyläde. Alarnıñ kübräk saqlanmağan binalarnı saylawların äytte, şiklängändä nişlärgä kiräklegen assızıqladı. Saqlanmağan uqu yortları respublikada azaya bara dip şatlandırdı, Tatarstan Mäğärif häm fän ministrı urınbasarı Ayrat Zinnurov. 2007 yılğa saqlanmağan mäktäplär bötenläy qalmas dip ışandırdı. Çönki monıñ buyınça maxsus programma qaralğan. Ayrat Zinnurov

Qazan, Älmät, Çallı şähärläreneñ qayber mäktäplärendä turniketlar quyıldı. Bik qimmät caylanmalar. Ämma ber meñnän artıq uquçılar bulğan mäktäplärneñ barısına da kiläçäktä cihazlar quyılaçaq.

Maxsus uzdıru caylanması - turniketlar, videoküzätü, militsiä çaqırtu töymäläre buldıru tügel, xätta qayber mäktäplärdä işek töbendä kertep toruçılar da citmi ikän. Saqçılarnı qayber mäktäplär yä iğänäçelär, yä ata-analar xisabına yallıy.

Bügenge köndä videoküzätü häm maxsus uzdıru caylanmaları 300-400 meñ tiräse tora.

Militsiä çaqırtu töymäläre öçen respublika byudjetınnan bıyıl 5 million sum aqça qaralğan. Uzğan yıl da şul külämdä aqça totılğan. 2005 yılnı ul töymälär balalar yortlarına, internatlarğa urnaştırılğan bulsa, bıyıl tulay toraqlarğa, texnikum häm uçilişçelarğa quyılaçaq.

Landış Xarrasova

XS
SM
MD
LG