Accessibility links

дүшәмбе, 5 декабрь 2016, Казан вакыты 03:28

Neft şirkätläre aksiäläre qaya kitte?


Başqortstan cämäğätçelegen soñğı könnärdä ber soraw ayıruça nıq qızıqsındıra. Prezident Mortaza Räximovnıñ ulı Ural citäklägän “Başkirski kapital” xoldingınıñ aksiäläre qaysı fondlarğa küçerelde ikän. İnde xäbär itelüençä, Ural Räximov qaramağındağı 6 neft'' eşkärtü şirkäteneñ aksiäläreneñ ber öleşeneñ “Ural” isemle nindider xäyriä fondına tapşırıluı xaqında belderelgän ide. Şul xäbär çığu belän, tağın da ike kön ütügä, östämä xäbär kilde. “Başkirski kapital” aksiäläreneñ tağın ber öleşe “Yurüzän” isemle xäyriä fondına da küçerelgän ikän. Tik şunısı bar – bu fondlarnıñ xucası kem buluı turında läm-mim. Menä şuşı xäl, älbättä inde, iqtisatçılar dairäsendä dä, kiñ cämäğätçelek arasında da küp sorawlar uyattı.

Qayber iqtisat belgeçläre “Başkirski kapital” aksiäläreneñ çitkä kitmägänlege kön kebek açıq, dip belderä. Ul aksiälär Ural Räximov qaramağında qalğan, barı tik başqa kesägä genä küçerelgän, dip äytä alar. Xäyriä fondınıñ “Ural” dip ataluı da şuña dälil kebek.

Ä başqa iqtisatçılar ul aksiälärneñ tulısınça Mäskäw qaramağına küçkän bulu da ixtimal dip faraz qıla. “Şul räweşle Başqortstan citäkçelege uzğan prezident saylawları çorında Mäskäwgä birgän wäğdäsen ütäde häm neft'' şirkätläre mölkäten Rusiä qaramağına tapşırdı, - dip belderä andıy belgeçlär. - Häm şulay itep, älegä prezident Mortaza Räximovnıñ tınıç qına şuşı prezidentlıq möddäten utırıp betüe öçen mömkinlek tä tudırıldı”.

Başqortstan neft'' şirkätläre tiräsendäge soñğı üzgäreşlärgä bäyle kürenekle tatar ğalime, iqtisat fännäre doktorı Rinat Ğatawllin monı nindider yäşeren uyınnar dip atıy.

Başqortstandağı tanılğan tatar ğalime Rinat Ğatawllin buldı bu.

Şulay itep Başqortstan neft'' eşkärtü şirkätläre tiräsendä başlanğan soñğı üzgäreşlär, bu yulı da xalıq arasında törle imeş-mimeşlär taraluğa säbäpçe buldı. “Başkirski kapital” xoldingına kerüçe şirkätlär aksiälären xäyriä fondlarına küçerüneñ ber säbäben – bu ğämälneñ ciñel atqarıluı belän dä bäylilär. Xäyriä fondına aqça küçerü izge eş sanala, şuña kürä dä bu eşne tormışqa aşıru qanun buyınça nıq ansatlaştırılğan.

XS
SM
MD
LG